අමෙරිකාවේ ‘බෝයිස් ඇවනිව්‘ සංගීත කණ්ඩායම ශ්‍රී ලංකාවට

ලෝකයේ තරුණ පිරිස් අතර අතිශය ජනාදරයට පත් අමෙරිකානු බෝයිස් ඇවනිව් (boyce avenue ) සංගීත කණ්ඩායම දිවයිනට පැමිණේ.

ශ්‍රී ලංකාවේ සංගීත ප්‍රසංගයක් පැවැත්වීම සදහා ඔවුන් මැලේසියාවේ ක්වාලාලාම්පූර් නුවර සිට එයාර් ඒෂියා ගුවන් සේවයේ ඒ.කේ.-047 දරන ගුවන් යානයෙන් ඊයේ (24) රාත්‍රී 10.00 ට කටුනායක ගුවන් තොටුපොළ වෙත පැමිණ තිබුණි.

මෙම කණ්ඩායම පිළිගැනීම සදහා ශ්‍රී ලංකාවේ ප්‍රසංගය සංවිධාන කරන පිරිසක්ද කටුනායක ගුවන් තොටුපොළ වෙත පැමිණි සිටියහ.

මෙම ප්‍රසංගය කොළඹ වෝටර්ස් ඒජ් හෝටලයේදී පැවැත්වෙන අතර , බෝයිස් ඇවනිව් අමෙරිකානු සංගීත කණ්ඩායම සමග ශ්‍රී ලංකාවේ බටහිර සංගීත කණ්ඩායම් 03ක් එයට සහභාගී වීමට නියමිතය.