විප්ලවීය රාමසාන් උපවාසය

දන මන පිනට වඩන්නට
අන් කුස ගිනි දනවන්නට
මුල් සඳ එළි දකින විට
පෙළ ගැසෙනවා අප උපවාස රකින්නට

අන් හිංසන පිටු නොදැක
පරුෂ චචන මුනිවතෙන් නොරැක
කුස ගිනි දැරීම නරක
උපවාස බව කියයි නබි නායක

තොසින් නිල සැප විඳ නිති
කැපකොට දෙවිඳු නමින් වඳිති
වඩන්නට මනුසත් ගති නිති
උපවාසය අපහට පිටිවහලක් වෙති

පර සතු බලය බිඳවා
බද්ර් උහද් සටන දිනුවා
උපවාස දිනයක බව හඟවා
පවසනු ඉතිහාසය කඳුළු සොළවා

අසල්වැසි කුස ගිනි දැක දැක
තම කුස පිරවීම මානුෂික
නොවන බව කියයි නබි නායක
උපවාසයද ගැන ආදර්ශයක

දුගී බව හැඟුමෙන් අවබෝධ කොට
වැදි බස් නොදොඩා ලෙස සට කපට
සදකා, සකාත් දෙන්නට පීඩිත දනන් හට
උපවාසය රුකුලකි පින්වතුන්ට

ඒ. ඩබ්. අබ්දුල් අසීස්