පසුගිය දින කිහිපය තුළ නුවරඑලියේ වසන්ත උදානයට පැමිණි ඇතැම් දේශීය සංචාරකයන් පරිසරය විනාශ කර ඇති බව නුවරඑලිය ප්‍රදේශවාසීන් කියි සිටියි.
සිංහල හින්දු අලුත් අවුරුදු උදාවත් සමග නුවරඑලිය වසන්ත උදානය නැරඹිමට දේශීය සංචාරකයන් විශෘල පිරිසක් පැමිණි බවත්, එසේ පැමිණි ඇතැම් සංචාරකයන් ඊයේ (20) දින දක්වා නුවරඑලියේ රැදී සිටි බවයි නුවරඑලිය සංචාරක හෝටල් සංගමයේ නිළධාරින් කියි සිටියේ.
එසේ පැමිණි සංචාරකයන් නුවරඑලිය ග්‍රෙගරි වැව පරිශ්‍රය ඇතුලු සංචාරකයන් වැඩිපුර ගැවසෙන ස්ථානවල ඔවුන් රැගෙන ආ ප්ලාස්ටික්, පොලිතින්, ආහාර මලු, වතුර බෝතල්, බියර් ටින් ඇතුලු අපද්‍රව්‍ය රැසක් පරිසරයට මුදා හැර ඇති ආකාරය දක්නට ලැබිණි.
නුවරඑලිය මහ නගර සභාව විසින් කැලි කසල වර්ගීකරණය කර බැහැර කිරීම සදහා කසළ බදුන් තබා තිබුණද ඇතැම් සංචාරකයන් කැලි කසළ පරිසරයට මුදා හැර ඇති බව ප්‍රදේශවාසීන් කියා සිටියේය.
