151
හිටපු අමාත්‍ය කෙහෙළිය රඹුක්වැල්ල මහතා අද(09) උදෑසන අපරාධ පරික්ෂණ දෙපාර්තමේන්තුවට පැමිණ පැයකට පමණ ආසන්න කාලයක් ප්‍රකාශයක් ලබාදීමෙන් අනතුරුව පිටව ගොස් තිබුණි.
ප්‍රමිතියෙන් තොර මානව ඉමියුනොග්ලොබියුලින් එන්නත් ආනයනය කිරීමේ චෝදනාව සම්බන්ධයෙන් ප්‍රකාශයක් ලබාගැනීම සඳහා ඔහුව මෙලෙස අපරාධ පරික්ෂණ දෙපාර්තමේන්තුවට කැඳවා තිබුණි.
අපරාධ පරික්ෂණ දෙපාර්තමේන්තුව විසින් කරන ලද දැනුම්දීමට අනුව ප්‍රකාශයක් ලබාදීම සඳහා හිටපු අමාත්‍ය කෙහෙළිය රඹුක්වැල්ල මහතා අද උදෑසන 09.30 ට පමණ අපරාධ පරික්ෂණ දෙපාර්තමේන්තුව වෙත පැමිණ තිබුණි.
මෙම සිදුවීම සම්බන්ධයෙන් හිටපු අමාත්‍යවරයාට එරෙහිව චෝදනා එල්ල වී ඇති අතර ඊට අදාළව ඔහු පසුගිය කාලයේ රක්ෂිත බන්ධනාගාර ගත කිරීමකට ලක් විණි.
