බළපිටිය රේවත සහ සිද්ධාර්ථ දෙවිදුහල් අතර පැවති වීර සටන මහා ක්‍රිකට් තරගය 21 වැනි වරටත් ජය පරාජයෙන් තොරව නිමාවට පත්විය.
සිද්ධාර්ථ විද්‍යාලයේ සත්කාරකත්වයෙන් එම විදුහල් ක්‍රීඩාංගණයේදී පැවති මේ තරගයේදී පළමුව පන්දුවට පහර දුන් රේවත විදුහල පළමු ඉනිමට ලකුණු 236ක් ලබාගත් අතර, පිළිතුරු පළමු ඉනිම ක්‍රීඩා කළ සිද්ධාර්ථ විදුහලට ලබාගත හැකි වූයේ ලකුණු 186ක් පමණි.
ලකුණු 50ක වාසියක් සමඟ පිටියට පිවිසි රේවත පිල ලකුණු 160කට දෙවැනි ඉනිම අත්හිටුවූ අතර, ජයග්‍රහණය සඳහා හිමිවූ ලකුණු 210ක ඉලක්කය හඹා ගිය සිද්ධාර්ථ පිල තරගය නතර කරන විට කඩුල්ලක් දැවී ලකුණු 75ක් රැස් කර තිබිණි. මේ තරගයේදී රේවත පිල වෙනුවෙන් ගොවිදු නිසංසල පන්දු 92කදී හයේ පහර 8ක් සහ හතරේ පහර 7ක් සමඟ ලකුණු 104ක් රුස් කළේය.
රේවත පළමු ඉනිම – 236 ඕවර (38.1) ගිම්හාන් මෙන්ඩිස් 77, කලන චමෝද් 38, සෙනික පෙරේරා 27 (කවීෂ ආබ්රෙව් 47/3, කවිනු පෙරේරා ආබ්රෙව් 34/2, නිරෝෂ් නිම්සර 48/2, ගයාන් ද සොයිසා 64/2) සහ දෙවැනි ඉනිම – 160/7 (ඕවර 25) ගොවිදු නිසංසල 104 (ගයාන් ද සොයිසා 23/5, ජැක් සාක්‍ය 69/2)
සිද්ධාර්ථ පළමු ඉනිම – 186 (ඕවර 44.2) නදීෂ් නිම්සර 67, ඩිල්ෂාන් මිහිරංග 29 (කලන චමෝද් 38/4, ගිම්හාන් මෙන්ඩිස් 51/3, සුදේෂ් මල්සර 59/2) සහ දෙවැනි ඉනිම – 75/1 (ඕවර 14) ජැක් සාක්‍ය නොදැවී 33
