අයිපීඑල් ක්‍රිකට් තරගාවලියේ ප්‍රසාද ලකුණු සටහනේ අවසන් ස්ථානයට වැටී සිටින සන්රයිසස් හයිද්‍රාබාද් කණ්ඩායමට පිට පිට සිවුවැනි තරගයත් පරාජය වීමට පෙරේදා සිදු විය.
හයිද්‍රාබාද්හිදී පැවති තරගාවලියේ 19 වැනි තරගයේදී කමිඳු මෙන්ඩිස් ක්‍රීඩා කරන හයිද්‍රාබාද් පිල පරාජය වූයේ ගුජරාට් ටයිටන්ස් පිල හමුවේ කඩුලු 7කිනි. මේ ජය සමඟ ප්‍රසාද ලකුණු සටහනේ දෙවැනි ස්ථානයට පැමිණීමට ගුජරාට් පිලට හැකි විය.
තරගයේ පළමුව පන්දුවට පහර දුන් හයිද්‍රාබාද් පිල ලකුණු 152කින් නතර කළ ගුජරාට් ක්‍රීඩකයෝ ඕවර 16.4කදී ජයග්‍රාහී ඉලක්කය පසු කළේ කඩුලු 3ක් දැවී තිබියදීය.
නායක ශුබ්මන් ගිල් නොදැවී ලකුණු 61ක් රැස් කළ අතර, වොෂිංටන් සුන්දර් ලකුණු 49ක් සහ ෂර්ෆේන් රදර්ෆර්ඩ් පන්දු 16කින් නොදැවී ලකුණු 35ක් ගුජරාට් ඉනිමට එක් කළහ. පන්දු යැවීමේදී මොහොමඩ් ෂාමි කඩුලු 2ක් දවා ගත්තේය. හෙන්රිච් ක්ලාසෙන් ලකුණු 31ක් රැස් කරමින් පළමුව පන්දුවට පහරදුන් හයිද්‍රාබාද් ඉනිමේ වැඩිම ලකුණුලාභියා වූ අතර, කමිඳු මෙන්ඩිස්ගේ ඉනිම එක් ලකුණකට සීමා විය. පන්දු යැවීමේදී මොහොමඩ් සිරාජ් කඩුලු 4ක් හා සායි ක්‍රිෂෝර් සහ ප්‍රසිද් ක්‍රිෂ්ණා කඩුලු 2 බැගින් දවා ගත්හ.
