මාධ්‍යවේදී තුසිත කුමාර ද සිල්වා සහ ඔහුගේ බිරියට පහරදීමේ නඩුව කළුතර මහේස්ත්‍රාත් අධිකරණයේ කැඳවූ අවස්ථාවේ අධිකරණයේ පෙනී නොසිටි සැකකරුවන් පස්දෙනා අත්අඩංගුවට ගන්නා ලෙසට කළුතර ප්‍රධාන මහේස්ත්‍රාත් රසංජුලා පෙරේරා මහත්මිය වරෙන්තු නිකුත් කළාය.
පොලීසිය හා ආරක්ෂක අංශ විසින් සිදු කළ නීති විරෝධී මත්ද්‍රව්‍ය වැටලීම් සම්බන්ධ ප්‍රවෘත්ති වාර්තා පුවත්පත්වල පළ කළැයි කියන සිද්ධියකට අදාළව 2019 වසරේ දෙසැම්බර් මස 06 වැනිදා මාධ්‍යවේදී තුසිත කුමාර ද සිල්වා සහ ඔහුගේ බිරිය වන අනුෂා කුමාරි ඒකනායක යන අයට පහරදීමේ සිද්ධියකට අදාළව මෙම නඩුව පවරා තිබිණි.
මෙහිදී අධිකරණයට ඉදිරිපත් නොවූ සැකකරුවනට වරෙන්තු නිකුත් කළ විනිසුරුවරිය නඩුව දෙසැම්බර් මස 17 වැනිදා කල් තැබුවාය.
මෙහිදී පැමිණිල්ල වෙනුවෙන් නීතිඥ සංජීව ගුණරත්න මහතා පෙනී සිටියේය.
