22
හික්කඩුව පන්නම්ගොඩ මුහුදු තීරයේ කිමිදුම් කටයුතුවල යෙදී දියවැලකට හසුවී ගසාගෙන ගිය රුසියානු ජාතික තරුණියකගේ ජීවිතය බේරා ගැනීමට හික්කඩුව පොලිස් ජීවිතාරක්ෂක පොලිස් නිලධාරීන්ට හැකි විය.
මෙසේ ජීවිතයත් මරණයත් අතර සටනක යෙදී සිට ජීවිතය බේරී තිබුණේ වැලරිනා රැසඩබ්‍රීවා (Valeria razdebreeva) නමැති විසිහය හැවිරිදි තරුණියකගේය.
ඇය බේරාගෙන ගොඩබිමට රැගෙනවිත් පොලිස් නිලධාරීන් විසින් මූලික ප්‍රථමාධාර ලබාදී ඇත. මෙම තරුණියගේ ජීවිතය බේරා ගැනීමට හික්කඩුව පොලිස් ජීවිතාරක්ෂක නිලධාරීන් වන පොලිස් පරීක්ෂක හේවගේ, උප පොලිස් පරීක්ෂක සිරිමල්, පොලිස් කොස්තාපල්වරුන් වන දුමින්ද (96221) සහ බණ්ඩාර (27794) යන මහත්වරු එක්වූහ.
