කුඩා ප්‍රමාණයේ ඇසුරුම් ලෙස ග්‍රෑම් 300/400 ප්‍රමාණයන්ට සකස් කළ Frozen Fish පැකට් වෙළෙඳපොළට හඳුන්වා දීමට ලංකා ධීවර සංස්ථාව කටයුතු යොදා ඇත. මෙහි මූලික ව්‍යාපෘතියක් ලෙස ලංකා සතොස අලෙවිසල් 21කදී ග්‍රෑම් 300-400 ප්‍රමාණයේ කුඩා frozen fish පැකට් හඳුන්වා දීමට ලංකා ධීවර සංස්ථාව සැලසුම් කර තිබේ. එම කුඩා ප්‍රමාණයේ frozen fish ඇසුරුම් අත්බෑගයක වුවද පහසුවෙන් ගෙන යා හැකි බව ලංකා ධීවර සංස්ථාවේ සභාපති ජේ.ඒ.කේ. මාර්ක් මහතා සඳහන් කරයි.
මෙම frozen fish නිෂ්පාදනය හඳුන්වා දෙමින් විශේෂ අලෙවි ප්‍රවර්ධන වැඩසටහනක් පසුගිය 04 සහ 05 වැනිදා ගම්පහ, බෞද්ධාලෝක මාවතේ පිහිටි ලංකා ධීවර සංස්ථාවේ මාළු වෙ‍ෙළඳසලේදී පවත්වන ලදි. ලංකා ධීවර සංස්ථාවේ මීගමුව – ගම්පහ ප්‍රාදේශීය කළමනාකරු සහ කාර්ය මණ්ඩලය විසින් මෙහෙයවනු ලැබූ මෙම වැඩසටහනේදී විශේෂ දිනුම් ඇදීමක් ද පවත්වා වටිනා ත්‍යාගද පාරිභෝගිකයන්ට ප්‍රදානය කෙරිණි.
