ඇඟලුම් කර්මාන්ත සේවිකාවන් පිරිසක් රැගෙන ඒම සඳහා පැළැටියාව ගම්මානයේ සිට දිඹුලාගල ප්‍රදේශයට ගමන් කරමින් තිබූ පෞද්ගලික බස් රථයක දිඹුලාගල මැණිකේඇළ ප්‍රදේශයේදී පෙරේදා (05) අලුයම 3.00ට පමණ මී ගව රංචුවක් ගැටී ඉන් ගවයන් හතරදෙනෙකු මියගොස් ඇති බව මනම්පිටිය පොලීසිය පවසයි.
මී ගවයන් ගැටී අනතුරට ලක්වීමෙන් පසුව බසය පැළටියාව ප්‍රදේශයේ නි‍ෙවසක සඟවා තිබෙන බවත්, එම බසය හා රියැදුරු අත්අඩංගුවට ගැනීමට කටයුතු කරන බව ද පොලීසිය පවසයි.
මියගොස් සිටින මී ගවයන්ගේ අයිතිකරු ඉදිරිපත් නොවූ හෙයින් එම මී ගවයින්ගේ අවසන් කටයුතු කිරීමට ද ග්‍රාම නිලධාරිවරිය සමඟ කටයුතු කරන බව ද පොලීසිය පවසයි.
මනම්පිටිය පොලිස් ස්ථානාධිපති පොලිස් පරීක්‍ෂක අසේල සරත් කුමාර මහතා ඇතුළු පොලිස් නිලධාරි කණ්ඩායමක් මේ පිළිබඳ වැඩිදුර පරීක්ෂණ සිදුකරයි.
