10
මේ දිනවල සවස් යාමයේ ඇදහැලෙන අධික වර්ෂාව හේතුවෙන් වැලිමඩ – බදුල්ල ප්‍රධාන මාර්ගයේ කහටපිටිය ප්‍රදේශයේදී මාර්ගයට පස් කන්දක් ඉකුත් 04 වැනිදා රාත්‍රියේ කඩවැටීමෙන් මාර්ගයේ එක් කොටසක් අවහිර වීම නිසා ගමනාගමනයට බාධා එල්ලවී තිබේ.
ඇදහැලුණු අධික වර්ෂාවත් සමඟ මෙලෙස මාර්ගයට පස් කන්දක් කඩා වැටී තිබේ. ඒ හේතුවෙන් මාර්ගයේ එම ස්ථානයේ බෝක්කුවක් ද අවහිර වී තිබූ අතර මාර්ගයේ ඉහළින් වූ වේල්ලක් මෙලෙස වර්ෂාවත් සමඟ නාය ගොස් තිබේ. මේ හේතුවෙන් එම ස්ථානයෙන් රථ වාහන ධාවනය ද එක් මංතීරුවකට පමණක් සීමා වී ඇතැයි ද මෙසේ රාත්‍රී කාලයේ මාර්ගයට පස්කඳු කඩාවැටීමට ඉඩ ඇති බැවින් දැඩි අවදානයෙන් වාහන ධාවනයේ නියැළෙන ලෙසට ද වැලිමඩ පොලීසිය වාහන රියැදුරන්ගෙන් ඉල්ලා සිටියි.
