හි‍රේ ගිය රංජිත් මුද්‍රණ වැඩට: ශාන්ති මහන්න දායි

වසර 16 බැඟින් බර­ප­තළ වැඩ ඇතිව සිර දඬු­වම් නිය­මවූ උතුරු මැද පළාතේ හිටපු ප්‍රධාන අමාත්‍ය එස්.එම්. රංජිත් වැලි­කඩ බන්ධ­නා­ගා­රයේ කර්මාන්ත අංශයේ මුද්‍රණ අංශයේ වැඩ සඳහා යොමු කර ඇත. එමෙන්ම එම සිර­ද­ඬු­වම නියම වූ ඔහුගේ පෞද්ග­ලික ලේක­ම්ව­රිය ලෙස කට­යුතු කළ ශාන්ති චන්ද්‍ර­සේන ද වැලි­කඩ බන්ධ­නා­ගා­රයේ කාන්තා අංශයේ මැහුම් වැඩ සඳහා යොමු­කර තිබේ. හිටපු ප්‍රධාන අමාත්‍ය එස්.එම්. රංජිත් වැලි­කඩ බන්ධ­නා­ගා­රයේ ‘කේ’ වාට්ටුවේ රඳවා සිටින අතර ඔහු (ඉරිදා / රජයේ නිවාඩු දින­වල හැර )පෙර­වරු 07.00 සිට පස්වරු 04.00 පමණ දක්වා මුද්‍රණ අංශයේ වැඩ­වල නිරත වේ. බන්ධ­නා­ගාර නිල­ධා­රීන්ගේ අධී­ක්ෂ­ණය යටතේ ක්‍රියා­ත්මක වන මෙම මුද්‍රණ අංශය මගින් විවිධ රාජ්‍ය ආය­තන සඳහා අවශ්‍ය මුද්‍රිත ද්‍රව්‍ය නිප­ද­වීමේ කට­යුතු සිදු කරනු ලබයි. කාන්තා බන්ධ­නා­ගා­රයේ මැහුම් අංශය මගින් විවිධ රාජ්‍ය ආය­තන සඳහා අවශ්‍ය නිල ඇඳුම් හා වෙනත් රෙදි­පිළි ආශ්‍රිත නිෂ්පා­දන සිදු කරන අතර ශාන්ති චන්ද්‍ර­සේන එම අංශයේ කට­යුතු සඳහා යොමු කර ඇතැයි බන්ධ­නා­ගාර කොම­සා­රිස් (මාධ්‍ය ප්‍රකා­ශක) ගාමිණී.බී. දිසා­නා­යක මහතා පව­සයි.