16
ලබන මැයි මස 06 දා පැවැත්වීමට නියමිත පළාත් පාලන ආයතන මැතිවරණය සම්බන්ධයෙන් පසුගිය 20 දා සිට 06 වැනිදා දක්වා මැතිවරණ පැමිණිලි 712 ක් ලැබී ඇතැයි මැතිවරණ කොමිසම පවසයි.
එම පැමිණිලි 712 අතර, ප්‍රචණ්ඩ ක්‍රියා 04ක් මැතිවරණ නීති උල්ලංඝනය කිරීම් 668 ක් සහ වෙනත් 40 ක් වේ.
මේ පැමිණිලි 712 අතරින් පැමිණිලි 552 ක් විසඳා ඇති බවත් පැමිණිලි 40 ක් සම්බන්ධයෙන් ක්‍රියා කරමින් පවතින බවත් කොමිසම නිකුත් කළ එම නිවේදනයේ දක්වා ඇත.
එමෙන්ම 06 වැනිදා ගත වූ පැය 24 තුළ ලැබී ඇති පැමිණිලි සංඛ්‍යාව 102කි.
ඒ අතර මැතිවරණ නීති උල්ලංඝනය කිරීම් 100 ක් සහ වෙනත් පැමිණිලි 02 ක් ලැබී ඇති බව කොමිසම නිකුත් කළ නිවේදනයේ දක්වා ඇත.
