කිරිබත්ගොඩ නගරයේ තිබූ ඉඩමකට කූට ලේඛන සකස් කිරීම සම්බන්ධව අත්අඩංගුවට ගැනීමට සොයමින් සිටි සැකකරුවකු වන හිටපු අමාත්‍ය මර්වින් සිල්වා මහතාගේ පාර්ලිමේන්තු කටයුතු ලේකම් දොන් සරත් කුමාර එදිරිසිංහ නොහොත් ‘සිංගප්පූරු සරත්’ නමැත්තා අපරාධ පරීක්ෂණ දෙපාර්තමේන්තුවේ නිලධාරීන් විසින් ඉකුත් සිකුරාදා (04 වැනිදා) පෙරවරුවේ කිරිබත්ගොඩ ප්‍රදේශයේ පිහිටි ඔහුගේ නිවසේදී අත්අඩංගුවට ගනු ලැබීය.
මොහු එදිනම පස්වරුවේ මහර වැඩබලන මහේස්ත්‍රාත් වසන්ත රාමනායක මහතා හමුවට ඉදිරිපත් කිරීමෙන් පසු ලබන 09 වැනිදා තෙක් රක්ෂිත බන්ධනාගාරගත කිරීමට නියම කර ඇත. මේ වනවිට එම නඩුව සම්බන්ධව අත්අඩංගුවට ගත් හිටපු ඇමැති මර්වින් සිල්වා, කැලණිය ප්‍රාදේශීය සභාවේ හිටපු උප සභාපති වෛද්‍ය ජයන්ත සිංහබාහු කබ්රාල් හා නවීන් වීරකෝන් යන තිදෙනා රක්ෂිත බන්ධනාගාරගත කර සිටින අතර හිටපු රාජ්‍ය ඇමැති ප්‍රසන්න රණවීර හා කැලණිය ප්‍රාදේශීය සභාවේ හිටපු මන්ත්‍රී මිල්රෝයි පෙරේරා යන දෙදෙනා තවම සැඟවී සිටිති.
