සියලු අසීරු අවස්ථාවලදී ඉන්දියාව ශ්‍රී ලංකාවට ශක්තියක් දෙමින් කටයුතු කර ඇතැයි ඉන්දීය අග්‍රාමාත්‍ය නරේන්ද්‍ර ශ්‍රී මෝදි මහතා ඉන්දු ලංකා ඒකාබද්ධ ප්‍රකාශයේ දී පැවසීය.
ජනාධිපති කාර්යාලයේ අද(05) පැවති මෙම ඒකාබද්ධ ප්‍රකාශයේදී නරේන්ද්‍ර මෝදි මහතා මෙසේද කීය.
මම ලංකාවට පැමිණෙන හතර වෙනි වතාව.අග්‍රාමාත්‍යවරයා ලෙස මම අවසන් වරට ආවේ 2019 වසරේදී.ශ්‍රී ලංකාව ශක්තිමත්ව නැගී සිටිනු ඇතැයි මට විශ්වාසයක් තිබුණා.සැබෑ අසල්වැසියෙකු ලෙස අපට අපේ වගකීම් ඉටු කරන්නට හැකි වී තිබෙනවා.එය අපටත් සතුටක්.
කොරෝනා වසංගතය ,ත්‍රස්තවාදී ප්‍රහාර මෑතක ඇතිවූ ආර්ථික අර්බුදය සමයේදී අප හැමවිටම ශ්‍රී ලංකා ජනතාව සමග හිට ගත්තා.සියලු අසීරු අවස්ථා වලදී අප ශ්‍රී ලාංකික ජනතාව සමග කටයුතු කළා.
ජනාධිපති අනුර දිසානායක මහතා ඉන්දියාවට පැමිණීමෙන් පසු අපගේ හවුල්කාරීත්ව වැඩසටහනේ ඉතා හොඳ ප්‍රගතියක් ඇතිවුණා.
සාම්පූර් විදුලි බල ව්‍යාපෘතිය තුළින් ශ්‍රී ලංකාවේ බලශක්ති සුරක්ෂිතතාවය ඇති කරනවා.
එමෙන්ම ශ්‍රී ලංකා මිත්‍ර විභූෂණ සම්මානය අනුර කුමාර ජනපති අතින් ලබන්නට හැකි වීම ගැන මා ඉතා සතුටට පත් වුණා.මේ සම්මානය මට ලොකු ආඩම්බරයක්.
ඒ පිළිබඳව රජයටත් ජනතාවටත් මගේ ගෞරවය පුදකරනවා යනුවෙන්ද මෝදි අග්‍රාමාත්‍යවරයා සඳහන් කළේය.
