කළුතර දිස්ත්‍රික්කයේ දැවැන්තම බක්මහ උලෙළ දිවයිනටම විවෘතව පැවැත්වීමට පාණදුරේ ‘සස්නක අපි’ සංවිධානය සූදානම් බව එම සංවිධානයේ නිර්මාතෘ රාජකීය පණ්ඩිත මනෝවිද්‍යා උපදේශක විචිත්‍ර ධර්ම දේශක අගුණකොළපැලැස්සේ ඉන්ද්‍රජෝති හිමි පැවසීය.
පාණදුර නගර සභාව, පොලීසිය ඇතුළු රාජ්‍ය ආයතන, පෞද්ගලික ආයතන, සිවිල් සංවිධාන, ව්‍යාපාරික ප්‍රජාව සහ සියලු ජන කොටස් ඒකරාශී කරගනිමින් අප්‍රේල් 19 සහ 20 යන දෙදින තුළ පාණදුර නගර සභා ක්‍රීඩා පිටියේදී සහ මෝදරවිල ක්‍රීඩා පිටි ඒකාබද්ධව පාණදුර බක්මහ උලෙළ පැවැත්වෙන බවත් ජයග්‍රාහකයින්ට වටිනා ත්‍යාග පිරිනැමීමට කටයුතු කර ඇති බව එම සංවිධානය පවසයි.
පාණදුර බොල්ගොඩ ගඟේ ඔරු රේස්, අශ්ව රේස්, සයිකල් සවාරි, මැරතන් ධාවන සමඟින් ලිස්සන ගහ, කොට්ටපොර, කඹ ඇදීම ඇතුළු ජන ක්‍රීඩා 40කට ආසන්න ප්‍රමාණයක් සමඟ අවුරුදු කුමරා සහ අවුරුදු කුමරිය තරගය ද පැවැත්වීමට නියමිතව තිබේ. බක්මහ උලෙළ අවසානයේ අප්‍රේල් 20 වැනිදා රාත්‍රී ‘පර්පල් රේන්ජ්’ සංගීත කණ්ඩායම සමඟ අවුරුදු බ්ලාස්ට් නමින් දිවයිනේ ජනප්‍රිය ගී තරු පිරිවරා දැවැන්ත සංගීත ප්‍රසංගයක් පවත්වන බවද එම සංවිධානය පවසයි.
