61
තම ශ්‍රී ලංකා සංචාරයේ දී ශ්‍රී ලංකා – ඉන්දියා මිත්‍රත්වය සමාලෝචනය කරමින් සහයෝගීතාවේ නව මාර්ග සොයා බලන බව ඉන්දීය අගමැති නරේන්ද්‍ර මෝදි මහතා පවසයි.
ශ්‍රී ලංකා සංචාරය සම්බන්ධයෙන් සිය එක්ස් ගිණුමේ සටහනක් තබමින් ඉන්දීය අගමැතිවරයා පෙන්වාදී ඇත්තේ තම සංචාරයේදී ශ්‍රී ලංකා රජය සහ අනෙකුත් පාර්ශ්ව සමඟ සාකච්ඡා කිරීමට බලාපොරොත්තු වන බවයි.
‘මගේ ශ්‍රී ලංකා සංචාරය 4 වැනි දින සිට 6 වැනි දින දක්වා සිදු වේ. ජනාධිපති අනුර කුමාර දිසානායක මහතාගේ සාර්ථක ඉන්දීය සංචාරයෙන් පසුව මෙම සංචාරය සිදු වේ.
අපි බහුවිධ ඉන්දියා – ශ්‍රී ලංකා මිත්‍රත්වය සමාලෝචනය කර සහයෝගීතාවේ නව මාර්ග සාකච්ඡා කරන්නෙමු. එහිදී විවිධ රැස්වීම් සඳහා මම බලාපොරොත්තු වෙමි’ යනුවෙන් සඳහන් කර තිබේ.
