ශ්‍රී ලංකාවේ ග්‍රාමීය ප්‍රජාවගේ සුරක්ෂිත පානීය ජල අවශ්‍යතාවය සපුරාලීමට දරන අඛණ්ඩ කැපවීමේ ප්‍රයත්නයක් ලෙස සන්ෂයින් හෝල්ඩින්ග්ස්හි ආයතනික සමාජ සත්කාරක (SFG) අංශය වන සන්ෂයින් ප්‍රජා සත්කාර පදනම (CSR) සිය 21 වැනි ප්‍රති ආශ්‍රැතිකරණ ජල පිරිපහදු ඒකකය (RO Plant) කුරුණෑගල, නක්වත්තාගම කනිෂ්ඨ විද්‍යාලයේදී පසුගියදා විවෘත කළේය. සන්ෂයින් ප්‍රජා සත්කාර පදනමෙහි ප්‍රමුඛතම ව්‍යාපෘතිය වන “දිය සරණ” ව්‍යාපෘතියේ කොටසක් වන මෙමඟින් පාසල් දරුවන් ඇතුළු 2,500 කට අධික පිරිසකගේ සුරක්ෂිත පානීය ජල අවශ්‍යතාවය සපුරාලනු ඇත. එමෙන්ම ග්‍රාමීය ජනතාවගේ යහපැවැත්ම වැඩිදියුණු කිරීමට සහ නිදන්ගත වකුගඩු රෝගය (CKDu) වැනි ජලය ආශ්‍රිත රෝග අවම කිරීමටද මෙය අරමුණු කරයි. සන්ෂයින් හෝල්ඩින්ග්ස් උප සභාපති විෂ් ගෝවින්දසාමි මහතා විසින් මෙම ප්‍රති ආශ්‍රැතිකරණ ජල පිරිපහදු ඒකකය (RO Plant) නිල වශයෙන් ජනතා අයිතියට පත් කරන ලදි.
21 වැනි ප්‍රති ආශ්‍රැතිකරණ ජල පිරිපහදු ඒකකය (RO Plant) විවෘත කිරීමේ අවස්ථාවට එක් වෙමින් සන්ෂයින් හෝල්ඩින්ග්ස් ආයතනික සන්නිවේදන සහ සමාජ සත්කාරක අංශයේ කළමනාකාරිනී ලලන්ති රාජපක්ෂ මහත්මිය පැවසුවේ “ජලය යනු ජීවිතයට අත්‍යවශ්‍ය සාධකයක්, නමුත් ශ්‍රී ලංකාවේ ග්‍රාමීය ප්‍රදේශවල බොහොමයක් ජනතාවට සුරක්ෂිත පානීය ජලය සපයා ගැනීමේ ගැටලු තිබෙනවා. නක්වත්තාගම මෙම ප්‍රති ආශ්‍රැතිකරණ ජල පිරිපහදු ඒකකය හුදෙක් ජලය පිරිසිදු කිරීමේ පද්ධතියකට එහා යමින් ප්‍රජාවට වඩාත් සෞඛ්‍යමත් දිවි පැවැත්මක් සහතික කිරීමේ අපගේ නොසැලෙන කැපවීම පෙන්නුම් කරනවා. අපගේ දියසරණ වැඩසටහන යටතේ සිදු කරනු ලබන සෑම ව්‍යාපෘතියක් සමඟින් කල් පවත්නා වෙනසක් ඇති කරන තිරසර විසඳුම් හරහා ජීවිතවලට යහපත් දේ ගෙන ඒම අපගේ අරමුණයි.” යනුවෙනි.
