Home » කඳුරට නිල් සටන අද කටුගස්තොටදී ඇරඹේ

කඳුරට නිල් සටන අද කටුගස්තොටදී ඇරඹේ

by sachintha
April 3, 2025 4:21 pm 0 comment

කඳුරට නිල් සටන ලෙසින් හැඳින්වෙන මහනුවර ත්‍රිත්ව සහ කටුගස්තොට සාන්ත අන්තෝනි විදුහල් අතර වාර්ෂික මහා ක්‍රිකට් තරගය අද (3) කටුගස්තොට සාන්ත අන්තෝනි ක්‍රීඩාංගණයේ දී ආරම්භ වෙයි. තරග 105ක් දෙදින තරගයක් ලෙස පැවති මේ තරගය මෙවර 106 වැනි වරට පැවැත්වෙන්නේ තුන්දින තරගයක් ලෙසිනි.

මෙවර තරගයේදී ත්‍රිත්ව විදුහල් පිල මලිත් රත්නායක විසින් ද, සාන්ත අන්තෝනි පිල චාරුක ඒකනායක විසින් ද මෙහෙයවනු ලබති.

වසර 1914දී බෝගම්බර පිටියේදී ආරම්භ වූ මේ තරගයේදී එම වසරේම මංගල ජය සටහන් කිරීමට සී.සී. සේනාරත්නගේ නායකත්වය යටතේ සාන්ත අන්තෝනි සමත්ව තිබේ. මංගල තරගයේ ත්‍රිත්ව නායකත්වය දරා ඇත්තේ සී.ඊ. ද සිල්වා විසිනි. ත්‍රිත්ව විදුහල 1915 පැවති දෙවැනි තරගය ජයගෙන ඇත්තේ ආර්. ඔන්ඩච්චිගේ නායකත්වය යටතේ ය.

මෙතෙක් පවත්වා තිබෙන මහා ක්‍රිකට් තරග 105න් 23ක් ජය ගැනීමට ත්‍රිත්වය සමත්ව ඇති අතර, තරග 11ක ජය සාන්ත අන්තෝනි විදුහල සතුවී තිබේ.

ත්‍රිත්ව විදුහල අවසන් වරට නිරෝෂන් දික්වැල්ලගේ නායකත්වයෙන් 2012 වසරේ දී ජය වර්තා කොට ඇති අතර, සාන්ත අන්තෝනි විදුහල 1992 වසරේ දී උමේෂ් ද අල්විස්ගේ නායකත්වයෙන් අවසන් ජය වාර්තා කර තිබේ.

ත්‍රිත්ව විදුහල් පිල: මලිත් රත්නායක (නායක), වතිල උදාර (සම උප නායක), ඩිමන්ත මහවිතාන (සම උප නායක), ජයවි ලියනගම, පුලීෂ තිලකරත්න, රජිදු තිලකරත්න, කවිඳු ජයරත්න, දිනාල් ප්‍රනාන්දු, සෙත්මික සෙනවිරත්න, ආදම් හිල්මි, තිසල් යාපා, රනුල් ගුණරත්න, චනිරු සේනාරත්න, කනිල්ක ඇන්තනි, ඕෂණ ලොකුගේ, ප්‍රවීන් රුකුණායක, මහේන්ද්‍ර අබේසිංහ, විදුනෙත් ධම්මගේ, ස්වාත් අනුරජීව.

සාන්ත අන්තෝනි විදුහල් පිල: චාරුක ඒකනායක (නායක), ජනුක රත්නායක, කෙවන් ප්‍රනාන්දු, බිමාෂ් සමරසිංහ, තරුෂ දසුන්, දිනූර ගනේගොඩ, කෞෂික කුමාරසිංහ, රයන් ග්‍රෙගරි, දිනූල විජේසිංහ, ඔකිත ප්‍රනාන්දු, සදෙව් අමරකෝන්, නෙදන් ඊබට්, තිළිණ පූර්ණිම, කවිඳු නවාංජන, විශ්ව තිලකරත්න, සනූක කල්පන, අංජන වීරසේකර, ඉමෙත් රාජපක්ෂ, යොහාන් සේනානායක, නිකිල් අභිලාෂ්, සනිතු ගුණතිලක.

අසේල කුරුළුවංශ

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT