Home » පන්ජාබ් දෙවැනි ජයෙන් දෙකට එයි

පන්ජාබ් දෙවැනි ජයෙන් දෙකට එයි

by sachintha
April 3, 2025 4:17 pm 0 comment

පිට පිට සිය දෙවැනි ජයග්‍රහණය වාර්තා කළ පන්ජාබ් කිංග්ස් ක්‍රීඩකයෝ අයිපීඑල් ප්‍රසාද ලකුණු සටහනේ දෙවැනි තැන ගැනීමට සමත් වූහ.

තරගාවලියේ 13 වැනි තරගය ලෙස ලක්නව්හිදී පැවති තරගයේදී සත්කාරක ලක්නව් සුපර් ජයන්ට්ස් පිල කඩුලු 8කින් පරාජය කිරීමට පන්ජාබ් පිලට හැකි විය.තරගයේ පළමුව පන්දුවට පහර දුන් ලක්නව් පිල ලකුණු 171කින් නතර කළ පන්ජාබ් ක්‍රීඩකයෝ කඩුලු 2ක් දැවී තිබියදී ජය තහවුරු කර ගත්තේ ඕවර 16.2කදීය.

ප්‍රභ්සිම්රාන් සිං පන්දු 34කින් ලකුණු 69ක් රැස් කරමින් පන්ජාබ් ඉනිමේ වැඩිම ලකුණුලාභියා වූ අතර, නායක ශ්‍රේයාස් අයියර් පන්දු 30කින් නොදැවී රැස් කළ ලකුණු සංඛ්‍යාව 52කි. පන්දු යැවීමේදී දිග්වේෂ් රතී කඩුලු 2ක් දවා ගත්තේය.

නිකොල්ස් පූරාන් ලකුණු 44ක් රැස් කරමින් ලක්නව් වැඩිම ලකුණුලාභියා බවට පත් විය. අයුෂ් බදෝනි ලකුණු 41ක් ඉනිමට එක් කළේය. පන්දු යැවීමේදී අර්ෂදීප් සිං කඩුලු 3ක් දවා ගැනීමට සමත් විය.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT