බළපිටිය රේවත ජාතික පාසල සහ බළපිටිය සිද්ධාර්ථ මධ්‍ය මහා විදුහල අතර 36 වැනි ‘බළපිටිය වීර සටන’ මහා ක්‍රිකට් තරගය හෙට (4) සහ අනිද්දා (5) දෙදින සිද්ධාර්ථ විද්‍යාලයීය ක්‍රීඩාංගණයේදී පැවැත්වේ.
සිද්ධාර්ථ විදුහලේ සත්කාරයෙන් පැවැත්වෙන මෙවර තරගයේදී සෙනික නොහන්සිත් රේවත පිලේ නායකත්වය දරන අතර, ගයාන් සඳරුවන් සිද්ධාර්ථ පිලේ නායකත්වය දරයි.
මෙතෙක් පැවති තරග අතරින් ජයග්‍රහණ 14ක් ලබා ගැනීමට රේවත විදුහල සමත්ව ඇති අතර, සිද්ධාර්ථ විදුහල පසුගිය වසරේ මේ තරගයේ සිය මංගල ජය වාර්තා කළේය.
රේවත විදුහලේ කණ්ඩායම: සෙනිත නොහන්සිත් (නායක), සුදේශ් මල්සර (උප නායක), අමිෂ ඉහළගේ, යසිරු ගිම්සර, වරුත් පෙරේරා, යතිෂ කවීෂ්, දිලිණ දෙනුවන්, තරදත් නිම්සර, මලිත් මල්ෂාන්, අනුප අනුහස්, දිනුෂ සත්සර, දසුන් සත්සර, කළණ මැන්දිස්, කවීෂ සන්දීප, ගොවිඳු නිසංසල, ගිම්හාන් මැන්දිස්.
සිද්ධාර්ථ විදුහලේ කණ්ඩායම: ගයාන් සඳරුවන් (නායක), ජයත් මැන්දිස් (උප නායක), කවිෂ් චමල්ක, දිල්ෂාන් මිහිරංග, විසල් ගිම්හාන්, නදිත නෙත් නිම්සර, වතිත සුපේෂල, නිරෝෂ් නිම්සර, ජැක් සාක්‍ය, ලක්ෂාන් මිහිරංග, උදාර කවිඳු, ශ්‍රීෂාන් විරුසංක, චමිඳු ඉෂාක.
අහුන්ගල්ල සමූහ අනුර යසමිත්
