Home » ගමින් ගමට ගොස් කතුන්ගේ මාල කැඩූ අයෙක් යතුරුපැදි දෙකක් සමඟ අත්අඩංගුවට

ගමින් ගමට ගොස් කතුන්ගේ මාල කැඩූ අයෙක් යතුරුපැදි දෙකක් සමඟ අත්අඩංගුවට

by sachintha
April 3, 2025 4:39 pm 0 comment

යතුරුපැදිවලින් නගරයෙන් නගරයට ගමින් ගමට ගොස් කාන්තාවන් සතු ගෙල බැඳි රන් මාල මංකොල්ලකන පුද්ගලයක් යතුරුපැදි දෙකක් රුපියල් ලක්ෂ විස්සක් පමණ වටිනා රන් මාල 7ක් සමඟ අත්අඩංගුවට ගැනීමට හිඟුරක්ගොඩ පොලීසියේ නිලධාරීන් කණ්ඩායමක් සමත්ව ඇත.

පුරා වසර දෙකක පමණ කාලයක් පොලිස් ඇසට වැලි ගසමින් කාන්තාවන් සතු රන් මාල කඩන මෙම පුද්ගලයා හදිසි වැටලීමක දී පොලිස් නිලධාරීන් විසින් අත්අඩංගුවට ගත් බව වැටලීම සිදු කළ පොලිස් නිලධාරියකු සඳහන් කළේය.

පොලිස් නිලධාරීන් විසින් අත්අඩංගුවට ගත් පුද්ගලයා ලංකාපුර 317 ගම්මානයේ පදිංචි 42 හැවිරිදි විවාහක පුද්ගලයකු බවද ඔහු සතුව තිබී පවුම් හතක රන් මාල ද සොයාගෙන තිබේ. යතුරුපැදි දෙකක් මාල කැඩීමේ ජාවාරම සඳහා උපයෝගී කරගෙන ඇති බවද පොලීසිය පවසයි.

පසුගිය වර්ෂ දෙක තුළ පොලොන්නරුව, මින්නේරිය, හිඟුරක්ගොඩ යන පොලිස් බලප්‍රදේශවල මහමඟ ගමන් කළ කාන්තාවන්ගේ ගෙල බැඳි රන්මාල කඩා තැන තැන සැඟවී සිට සිදු කළ මෙම මංකොල්ලකෑම් නිසා කාන්තාවෝ දැඩි ලෙස පීඩාවට පත්වී සිටියහ.

මෙම සැකකරු හිඟුරක්ගොඩ දිසා අධිකරණයට ඉදිරිපත් කිරීමට නියමිත අතර, වැඩිදුර පරීක්ෂණ කටයුතු හිඟුරක්ගොඩ මූලස්ථාන පොලීසිය විසින් සිදු කරයි.

 

ඇළහැර – සරත් වෙලගෙදර මින්නේරිය – සුසිල් කරුණාතිලක

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT