සමෘද්ධි සංවර්ධන දෙපාර්තමේන්තුව විසින් ප්‍රථම වරට ව්‍යවසායක පවුල් ලක්ෂ 15ක් මූල්‍යමය වශයෙන් සවිබල ගැන්වීමේ නව වැඩසටහනක් මේ දිනවල දිවයින පුරා ආරම්භකර ඇත.
“තෝරාගත් අසවැසුම ගෘහ ඒකකවල සමාජ ආර්ථික හා මානසික සවිබල ගැන්වීම සහ ඔරොත්තු දීමේ හැකියාව ගොඩනැගීම සඳහා නව සවිබල ගැන්වීමේ වැඩසටහනක් ක්‍රියාත්මක කිරීමේ” අරමුණින් ආරම්බ කළ එම වැඩසටහනට සමගාමීව අනුරධපුර දිස්ත්‍රිකයේ පැවැත්වූ තවත් එක් නිලධාරින් පිරිසක් දැණුවත් කිරීමේ සහ පුහුණු කිරීමේ වැඩ සටහනක් අද(03) උදෑසන මැදවච්චිය ප්‍රාදේශීය ලේකම් කාර්යාල ශ්‍රවණාගාරයේදී පැවැත්වූණි.
මැදවච්චිය, කැබිතිගොල්ලෑව,පදවිය යන ප්‍රාදේශීය ලේකම් කාර්යාල තුනම ආවරණයවන පරිදි එම දැණුවත් කිරීමේ වැඩසටහන මැදවච්චිය ප්‍රාදේශීය ලේකම් එම්.සී මලවිආරච්චි මහත්මියගේ මගපෙන්වීමෙන්, අනුරාධපුර දිස්ත්‍රික් සමෘද්ධි අධ්‍යක්ෂක ඩබ්ලිව.වසන්ත මහතාගේ උපදෙස් පරිදි, මැදවච්චිය සමෘද්ධි මූලස්ථාන කළමණාකරු රාහුල හේරත් මහතාගේ අධීක්ෂණයෙන් ව්‍යාපෘති සහකාර උපාලි චන්ද්‍රගුප්ත මහතා විසින් සංවිධානය කර තිබුණි.
ඒ අනුව මෙම වැඩසටහනට සමගාමීව එක් වසමකින් ව්‍යවසායකත්ව පවුල් 12ක් සමෘද්ධි වසම්භාර නිලධාරියා විසින් අදාල ව්‍යවසායකයාට හිමි සමෘද්ධි බැංකු පද්ධතිය හරහා සවිබල ගැනීවීමට නියමිතව ඇත.
මෙහි සම්පත් දායකත්වය කැබිතිගොල්ලෑව මූලස්තාන කළමණාකරු සුසන්ත දීපාල් මහතා සහ පූනෑව සමෘද්ධි බැංකු කළමණාකාර එච්.ඩබ්ලිව් රත්නසීලි මෙනවිය විසින් ලබා දුන් අතර දිස්ත්‍රික් සම්බන්ධීකරණය මනෝරි හේවාමානගේ මහත්මිය සිදු කළේය.
මෙම අවසථාවට සමෘද්ධි නිලධාරින් 55 ට ආසන්න පිරිසක් සහභාගී වූහ.
