Home » අවු. 2ක සිඟිත්තා බසයට බිලි වෙයි

අවු. 2ක සිඟිත්තා බසයට බිලි වෙයි

by sachintha
April 3, 2025 4:02 pm 0 comment

 

බසයකට යටවී අවුරුදු දෙකක් වයසැති පිරිමි දරුවකු මියගොස් ඇති බව කළුතර පොලීසිය පවසයි.

මෙසේ මියගොස් ඇත්තේ වස්කඩුව, ගාලු පාරේ පදිංචිව සිටි නිහංස යෂ් වීරතුංග නමැති දරුවකු බව ද පොලීසිය සඳහන් කරයි.

මියගොස් ඇති දරුවාගේ අත්තම්මා පෙරේදා (01) නි‍ෙවසේ කසළ භාජනය නගර සභාවේ ට්‍රැක්ටරයට දීමට ගාලු පාරට පැමිණ ඇත. එහිදී දරුවා ද ඇයගේ අතේ දැවටී පැමිණ ඇති බව පොලීසිය සඳහන් කරයි.

ඇය කසළ භාජනය පාර අයිනේ තැබීමට සූදානම් වීමේදී දරුවා ඇයගේ අතින් ගිලිහී ගොස් ඇති බවත්, ඒ මොහොතේ පාණදුර සිට නාගොඩ දක්වා ධාවනය වෙමින් තිබූ බසයට දරුවා යටවී ඇති බවත් පොලීසිය කියයි.

බස් රථ රියදුරු අත්අඩංගුවට ගෙන ඇත.

කළුතර පොලීසියේ ස්ථානාධිපති ප්‍රධාන පොලිස් පරීක්ෂක දමිත් ජයතිලක මහතාගේ උපදෙස් පරිදි, රථවාහන අංශ ස්ථානාධිපති පොලිස් පරීක්ෂක සුරංජිත් පෙරේරා මහතාගේ මෙහෙයවීමෙන් සැරයන්වරුන් වන හේරත් (48782), ලක්මාල් (72157) සහ සෙනවිරත්න (69058) පරීක්ෂණ පවත්වති.

පාණදුර සංචාරක – සුමිත් ප්‍රේමතිලක සහ හල්තොට සමූහ – විනීතා මානෙල් ගමගේ

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT