Home » IMF නියෝජිතයෝ අද ශ්‍රී ලංකාවට

IMF නියෝජිතයෝ අද ශ්‍රී ලංකාවට

by sachintha
April 3, 2025 8:40 am 0 comment

ශ්‍රී ලංකාවේ ආර්ථික ප්‍රතිපත්ති සහ ප්‍රතිසංස්කරණ ක්‍රියාමාර්ග පිළිබඳ වැඩිදුරටත් සාකච්ඡා කිරීම සඳහා ජාත්‍යන්තර මූල්‍ය අරමුදලේ නියෝජිතයන් පිරිසක් අද (03) මෙරටට පැමිණීමට නියමිතය.

එම නියෝජිත පිරිස අද (03) සිට 11 වැනිදා දක්වා මෙරට රැඳී සිටිමින් මෙරට දේශපාලන අධිකාරිය, මූල්‍ය බලධාරීන් සමඟ වැඩිදුරටත් සාකච්ඡා පැවැත්වීමට සැලසුම් කොට ඇත.

ශ්‍රී ලංකාවට මාස 48ක විස්තීර්ණ ණය පහසුකමක් දීමේ තෙවැනි සමාලෝචනය පසුගිය පෙබරවාරි 28 වැනිදා සාර්ථකව නිමකොට එක්සත් ජනපද ඩොලර් මිලියන 334ක මූල්‍ය පහසුකමක් ලබාදීමට එහි විධායක මණ්ඩලය තීරණය කිරීමෙන් පසු මෙරටට පැමිණෙන පළමු නියෝජිත පිරිස මේ වනු ඇත.

ශ්‍රී ලංකාව වසර 2024 දෙසැම්බර් වන විට ජාත්‍යන්තර මූල්‍ය අරමුදල සමඟ එකඟ වී ඇති දර්ශක හා ඉලක්ක ප්‍රමාණාත්මකව සපුරාගෙන ඇති ආකාරය පිළිබඳ මෙම සාකච්ඡාවලදී විශේෂ අවධානයට ලක්වනු ඇත.

වසර 2023 මාර්තු 20 වැනි දින ශ්‍රී ලංකාවට ඩොලර් බිලියන 2.9ක මුළු විස්තීර්ණ ණය පහසුකමක් ලබාදීමට ජාත්‍යන්තර මූල්‍ය අරමුදලේ විධායක මණ්ඩලය තීරණය කළ අතර එහි සිව්වන වාරිකය ලෙස ඩොලර් මිලියන 334ක් ඇතුළු මේ වන විට ශ්‍රී ලංකාවට ඩොලර් බිලියන 1.34ක මුදලක් දීමට කටයුතු කර ඇත.

ජයසිරි මුණසිංහ

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT