කැලණිය විශ්වවිද්‍යාලයේ ඉංග්‍රීසි භාෂා ඉගැන්වීම් අංශයේ, ඉංග්‍රීසි භාෂාව සහ ව්‍යවහාරික වාග් විද්‍යාව පිළිබඳ කථිකාචාර්යවරයකු වශයෙන් සේවය කරමින් සිටි රුසිරු කල්පගේ චිත්‍රසේන හෙට්ටිමුල්ලගේ මහතා පසුගියදා (29) හදිසි රෝගී තත්ත්වයක් හේතුවෙන් නවසීලන්තයේදී අභාවප්‍රාප්ත විය. මිය යන විට 36 වැනි වියේ පසු වූ ඒ මහතා, ඒ වන විට නවසීලන්තයේ ක්ලන්ඩ් විශ්වවිද්‍යාලයේ සංස්කෘතීන්, භාෂා සහ වාග් විද්‍යාව පිළිබඳ අධ්‍යයන ආයතනයේ, ව්‍යවහාරික වාග් විද්‍යාව සහ වෙනත් භාෂා කතා කරන්නන්ට ඉංග්‍රීසි භාෂාව ඉගැන්වීම පිළිබඳ ආචාර්ය උපාධියට අදාළ අධ්‍යයන කටයුතුවල නිරත වෙමින් සිටියේය.
කථිකාචාර්ය රුසිරු කල්පගේ චිත්‍රසේන මහතාගේ අභාවය සම්බන්ධයෙන් කැලණිය විශ්වවිද්‍යාලයේ උපකුලපති ජ්‍යෙෂ්ඨ මහාචාර්ය නිලන්ති ද සිල්වා මහත්මිය ඇතුළු විශ්වවිද්‍යාලයේ අධ්‍යයන, අනධ්‍යයන කාර්ය මණ්ඩලයේ බලවත් ශෝකය ප්‍රකාශ කර සිටින අතර ඔහුට මොක්සුව ප්‍රාර්ථනා කර සිටී.
තක්ෂිලා උදයංගනී
