හිටපු ආණ්ඩුත් වත්මන් ආණ්ඩුවත් ක්ෂුද්‍ර කුඩා හා මධ්‍ය පරිමාණ ව්‍යවසායකයන් රවටා ඇති බවත් විපක්ෂ නායක සජිත් ප්‍රේමදාස මහතා අවධාරණය කරයි.
විපක්ෂ නායක සජිත් ප්‍රේමදාස මහතා මේ බව කියා සිටියේ ඉදිරි පළාත පාලන මැතිවරණය වෙනුවෙන් හොරණ ආසනයේ පෙරේදා (01) පැවැති ජන හමුවකදීය
අපේ රටේ ආර්ථික වර්ධනයට විශාල දායකත්වයක් ක්ෂුද්‍ර කුඩා හා මධ්‍ය පරිමාණ ව්‍යාපාරිකයන් ලබාදෙන බවත් මේ අය දළ දේශීය නිෂ්පාදනයට 50%කට වැඩි දායකත්වයක් ලබාදෙන බවත් සජිත් ප්‍රේමදාස මහතා එහිදී සඳහන් කළේය.
ක්ෂුද්‍ර කුඩා හා මධ්‍ය පරිමාණ ව්‍යවසායකයන් පාස්කු දින ප්‍රහාරයත් කොරෝනා වසංගතයත් රටේ බංකොලොත්භාවයත් නිසා ආර්ථික හානියට ලක්වු බව විපක්ෂ නායකයා පෙන්වාදෙයි.
ජන හා සංඛ්‍යාලේඛන දෙපාර්තමේන්තුවට අනුව පසුගිය කාලයේ ස්ථිර වශයෙන් මේ කර්මාන්ත 263,200ක් වැසී ගොස් ඇති බවත් ඒ අතර තාවකාලිකව 59,100ක් හා ස්ථිවරම 204,100ක් වැසී ගොස් ඇති බවත් ඔහු පෙන්වාදෙයි.
කාන්තා ව්‍යවසායකයන් 11700කගේ කර්මාන්ත තාවකාලිකව වැසි ගොස් ඇති බවත් මෙරට ආර්ථික වර්ධනයට දායකත්වයක් ලබාදුන් ඉරණම ශෝචනීය බවත් පෙන්වාදෙන විපක්ෂ නායකවරයා, පහුගිය කාලයේ පරාටේ නීතිය නිසා දේපළ ඉඩම් හිතුමතේට වෙන්දේසි වු බවත් මේ සම්බන්ධයෙන් පාර්ලිමේන්තුවේ හඬක් නඟා පරාටේ නීතිය ක්‍රියාත්මක කිරීම තාවකාලිකව නැවැත්වු නමුත් පසුගිය රජයෙන් හා මේ රජයෙන් මේ කර්මාන්තකරුවන්ට තිරසර විසඳුම් නොලැබුණු බව ද පැවසීය.
මාර්තු 31 වනතුරු මේ රජය ද පරාටේ නීතිය තාවකාලිකව අත්හිටවුවත් අද සිට නැවතත් එය ක්‍රියාත්මක බවත් පරාටේ නීතිය ක්‍රියාත්මක කිරීම තාවකාලිකව අත්හිටවු අවස්ථාවේ මේ ව්‍යාපාරිකයන්ට විකල්ප විසඳුම්, පොලී සහන හා ණය කපාහැරීම් කර ස්ථිර විසඳුමක් දෙන්න කිවුවත් හිටපු ආණ්ඩුව හා මේ ආණ්ඩුව පැලැස්තර විසඳුම් ඉදිරිපත් කිරීම මිස තිරසර ස්ථාවර විසඳුම් ඉදිරිපත් නොකළ බවත් මේ නිසා රජයට උදව් කළ ව්‍යාපාරිකයන් පවා අගතියට පත්ව ඇති බවත් විපක්ෂ නායක සජිත් ප්‍රේමදාස මහතා පැවසීය.
රක්ෂණ ශ්‍රියන්ත
