Home » රුසියානු නාවික හමුදාව චෙන්නායි නුවර යුද අභ්‍යාසයක

රුසියානු නාවික හමුදාව චෙන්නායි නුවර යුද අභ්‍යාසයක

by sachintha
April 3, 2025 4:33 pm 0 comment

රුසියානු නාවික හමුදා කණ්ඩායමක් ඉන්දියාවේ චෙන්නායි නුවර කේන්ද්‍ර කරමින් යුද අභ්‍යාස මාලාවක නිරත වූ බව විදෙස් මාධ්‍ය වාර්තා කරයි. එම යුද අභ්‍යාසමාලාව සිදු කර ඇත්තේ ඉන්දියාව සහ රුසියාව අතර ද්විපාර්ශ්වික නාවික හමුදා අභ්‍යාසමාලාවක් ලෙස බවත් විදෙස් මාධ්‍ය වැඩිදුරටත් වාර්තා කරයි. පසුගිය මාර්තු මස 28 වැනිදා ආරම්භ වූ ඉන්දීය – රුසියානු 14 වැනි නාවික හමුදා අභ්‍යාසමාලාව ඊයේ (2) නිමාවට පත්වූ බව ඉන්දීය ආරක්ෂක අමාත්‍යාංශය නිවේදනය කර ඇතැයි ද විදෙස් මාධ්‍ය සඳහන් කරයි.

දෙරට අතර පවතින උපාය මාර්ගික සමුද්‍රීයආරක්ෂක කටයුතු සම්බන්ධව වසර 2003 දී පළමු වරට ආරම්භ කර ඇති ඉන්දීය – රුසියානු නාවික හමුදා අභ්‍යාසමාලාව අදියර දෙකකින් යුතුව පැවති බවත්, චෙන්නායි වරාය ආශ්‍රිතව සහ බෙංගාල බොක්ක ආශ්‍රිතව එය සිදුවූ බවත් වාර්තා වේ. එම අභ්‍යාසමාලාවට රුසියාවෙන් යුද නෞකා 3ක් චෙන්නායි නුවර වරායට සේන්දු වී ඇති අතර, ඉන්දීය යුද නෞකා දෙකක් සහ නාවික ගුවන් යානාවක් ඊට එක්වී ඇතැයි විදෙස් මාධ්‍ය වාර්තා කරයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT