Home » පාකිස්තානයෙන් සහ බංග්ලාදේශයෙන් යුරෝපයට සේන්දු වන අනවසර සංක්‍රමණිකයෝ ඉහළට

පාකිස්තානයෙන් සහ බංග්ලාදේශයෙන් යුරෝපයට සේන්දු වන අනවසර සංක්‍රමණිකයෝ ඉහළට

by sachintha
April 3, 2025 4:32 pm 0 comment

මුහුදු මාර්ගයෙන් යුරෝපයට ගොඩ බසින අනවසර සංක්‍රමණිකයන්ගෙන් වැඩි ප්‍රමාණයක් බංග්ලාදේශ, පාකිස්තාන හා සිරියානු ජාතිකයන් බව යුරෝපීය දේශසීමා සහ වෙරළාරක්ෂක ඒජන්සියේ වාර්තාවකින් හෙළි වී ඇතැයි විදෙස් මාධ්‍ය වාර්තා කරයි.

යුරෝපා සංගමය යටතේ ක්‍රියාත්මක වන එම ඒජන්සියේ නවතම වාර්තාවට අනුව පසුගිය ජනවාරි සහ පෙබරවාරි මාස දෙක ඇතුළත මධ්‍යම මධ්‍යධරණි මුහුද ඔස්සේ එම රටවලින් අනවසර සංක්‍රමණිකයන් 6,863 දෙනකු යුරෝපයට පැමිණ ඇතැයි විදෙස් මාධ්‍ය වැඩිදුරටත් වාර්තා කරයි.

මීට අමතරව එම මාස 2 ඇතුළත ඇෆ්ගනිස්තාන, ඊජිප්තු සහ සුඩාන ජාතිකයන් 6,465 දෙනකු නැඟෙනහිර මධ්‍යධරණි මුහුද ඔස්සේ යුරෝපයට සේන්දු වී ඇතැයි ද වාර්තා වේ. යුරෝපය බලා ගමන් කරන අනවසර සංක්‍රමණිකයන් රැගත් බොහෝ යාත්‍රා අනතුරට ලක්වීමෙන් ජීවිත රැසක් මුහුදට බිලි වන බවත්, පසුගියදා අනවසර සංක්‍රමණිකයන් 65 දෙනකු රැගත් යාත්‍රාවක් ලිබියානු මුහුදු තීරයේදී පසුගියදා අනතුරට ලක්වීමෙන් පසු එහි සිටි පාකිස්තාන ජාතිකයන් 16 දෙනකු ජීවිතක්ෂයට පත්වූ බවත් විදෙස් මාධ්‍ය සඳහන් කරයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT