52
භූ කම්පනයෙන් විපතට පත්වූවන්ට සහනාධාර රැගෙන ගිය චීන රතු කුරුස සංවිධානයට අයත් රථ පෙළකට මියන්මාර හමුදාවෙන් ප්‍රහාරයක් එල්ල වී ඇතැයි විදෙස් මාධ්‍ය වාර්තා කරයි.
පෙරේදා රාත්‍රියේ මේ සිදුවීම වී ඇත්තේ කැරලිකාර කණ්ඩායම් සමඟ ගැටුම් සිදුවන නැඟෙනහිර ප්‍රාන්තයේදී බවත්, වෙඩි ප්‍රහාරයෙන් කිසිවකුට තුවාල සිදුවී නැති බවත් විදෙස් මාධ්‍ය වැඩිදුරටත් වාර්තා කරයි.
විපතට පත්වූවන්ට සහන සැලසීමට චීන රතු කුරුස සංවිධානයට අයත් එම රථපෙළ නැවැත්වීමට හමුදාවෙන් දුන් නියෝග නොසලකා හැරීම වෙඩි ප්‍රහාරයට හේතුව බවත්, එවැනි රථ පෙළක් පැමිණෙන බවට මියන්මාරයේ චීන තානාපති කාර්යාලය හෝ චීන රජය පූර්ව දැනුම් දීමක් සිදු නොකළ බවත් එරට හමුදා රජයේ ප්‍රකාශකයා සඳහන් කර ඇතැයි ද වාර්තා වේ. කෙසේ වුවද මේ සිදුවීම සම්බන්ධව විමර්ශනයක් සිදු කිරිමට හමුදා රජය පියවර ගෙන ඇතැයි විදෙස් මාධ්‍ය සඳහන් කරයි.
