පසුගිය සතියේ මියන්මාරයට බලපෑ ප්‍රබල භූ කම්පනයෙන් සිදුව ඇති මරණ ගණන 3,000 සීමාව ඉක්මවා ගොස් ඇත.
මියන්මාරයේ මැන්ඩලේ නගරාසන්නයට රික්ටර් මාපකයේ ඒකක 7.7ක ප්‍රබලත්වයකින් යුතු භූ කම්පනයක් බලපෑවේ පසුගිය සිකුරාදා දිනයේ වන අතර එම භූ කම්පනයෙන් සිදුවූ මරණ ගණන 3000 සීමාව අද (03) ඉක්මවා ගොස් ඇතැයි විදෙස් මාධ්‍ය වාර්තා කරයි.
මිලිටරි නායකත්වයෙන් යුත් මියන්මාර රජය නිල වශයෙන් මරණ සංඛ්‍යාව 3,085 ක් ලෙස ප්‍රකාශ කළ නමුත් ඇතැම් විදෙස් මාධ්‍යවල වාර්තා සදහන් කරනුයේ එම මරණ සංඛ්‍යාව ඊට වඩා බෙහෙවින් වැඩි බවයි.
දින කිහිපයක් ඉක්ම ගොස් ඇතත් අතර සුන්බුන් අතර සිරවූවන් මුදාගැනීමේ මෙහෙයුම් තවමත් අඛණ්ඩව ක්‍රියාත්මක වෙමින් පවති.
ඒ සඳහා චීන, ඉන්දීය ඇතුළු විදෙස් මුදාගැනීමේ කණ්ඩායම්වලද සහාය ලැබි ඇති බවද වාර්තා වේ.
මේ අතර එරට සන්නද්ධ කණ්ඩායම්වලට එරෙහිව ක්‍රියාත්මක ප්‍රහාර මේ මස 22 වැනිදා දක්වා තාවකාලිකව අත්හිටුවීමට මියන්මාර හමුදා ජුන්ටාව තීරණය කර ඇත.
