අයිපීඑල් ක්‍රිකට් තරගාවලියේ 12 වැනි තරගයෙන් වත්මන් ශූර කොල්කටා නයිට් රයිඩර්ස් කණ්ඩායමට එරෙහිව කඩුලු 8ක ජයක් හිමිකර ගැනීමට මහේල ජයවර්ධන ප්‍රධාන පුහුණුකරු ලෙස කටයුතු කරන මුම්බායි ඉන්දියන්ස් කණ්ඩායම සමත් විය.
මුම්බායිහි වන්කඩේ ක්‍රීඩාංගණයේ පැවති තරගයේ පළමුව පන්දුවට පහර දුන් කොල්කටා පිල ලකුණු 116කට සීමා කළ මුම්බායි පිල පන්දු 43ක් ඉතිරිව තිබියදී ජය තහවුරු කර ගත්තේ කඩුලු 2ක් පමණක් අහිමි කර ගනිමිනි.
රයන් රෙකිල්ටං නොදැවී ලකුණු 62ක් රැස් කරමින් මුම්බායි පිල ජයග්‍රහණය කරා ගෙන ගිය අතර, සූර්යකුමාර් යාදව් පන්දු 9කින් නොදැවී ලකුණු 27ක් ඉනිමට එක් කළේය.
අන්ක්‍රිෂ් රඝුවන්ෂි ලකුණු 26ක් රැස් කරමින් කොල්කටා ඉනිමේ වැඩිම ලකුණුලාභියා විය.
පන්දු යැවීමේදී සිය මංගල අයිපීඑල් තරගයට ක්‍රීඩා කළ 23 හැවිරිදි අශ්වානි කුමාර් ලකුණු 24කට කඩුලු 4ක් බිඳ දමමින් තරගයේ වීරයා සම්මාන ද දිනා ගත්තේය. දීපක් චාහර් කඩුලු 2ක් දවා ගත්තේය.
