මෙරට ප්රධාන පෙලේ කතෝලික පාසල් දෙකක් වන මරදාන සාන්ත ජෝසප් සහ බම්බලපිටිය සාන්ත පීතර විදුහල අතර ‘සාන්තුවරයන්ගේ සටන‘ වාර්ෂික මහා ක්රිකට් තරගය 91 වැනි වරටත් අනිද්දා (4) එස්එස්සී පිටියේදී ආරම්භ වෙයි.
ප්රබල ක්රීඩකයන් රැසක් ජාත්යන්තර ක්රිකට් පිටියට දායාද කරමින් තරග 90ක ඉතිහාසයක් ඇති සාන්තුවරයන්ගේ සටන මේ වසරේ සිට තෙදින තරගයක් ලෙස පැවැත්වීම විශේෂත්වයකි. මොරිස් ජේ. ලෙගෝ පියතුමන් අනුස්මරණ කුසලාන වෙනුවෙන් පැවැත්වෙන මේ තරගයේදී මෙවර සාන්ත පීතර කණ්ඩායම මෙහෙයවීමේ වගකීම ඔවින් සල්ගාදුට හිමිව ඇති අතර, සාන්ත ජෝසප් පිල කෙනාත් ලියනගේ ගේ නායකත්වයෙන් තරගයට එක් වෙයි.
මෙතෙක් පැවති තරග අතුරින් ජයග්රහණ 12ක් සමඟ වැඩි ගෞරව අත්කර ගැනීමට සාන්ත ජෝසප් විදුහල සමත්ව ඇති අතර, සාන්ත පීතරයෝ තරග 10ක් ජය ගෙන තිබේ. සාන්ත ජෝසප් 2008දීත්, සාන්ත පීතර 2016දී මේ තරගයේ අවසන් වරට ජයග්රහණ වාර්තා කර ඇත.
වත්මන් ජාතික කණ්ඩායම නියෝජනය කරන ඇන්ජලෝ මැතිව්ස්, දුනිත් වෙල්ලාලගේ සදීර සමරවික්රම සාන්ත ජෝසප් ක්රීඩකයන් වන අතර, ජනිත් ලියනගේ සහ දුෂාන් හේමන්ත සාන්ත පීතර විදුහලෙන් ක්රිකට් පිටියට පිවිස වර්තමානයේ ජාතික කණ්ඩායම නියෝජනය කරති.
දෙපිල අතර පීටර් එල්. පිල්ලේ පියතුමන් අනුස්මරණ කුසලාන සඳහා වන 51 වැනි එක්දින තරගය මේ 26 වැනිදා එස්එස්සී පිටියේදී පැවැත්වීමට නියමිතය. එම තරගය 25 වරක් ජය ගැනීමට සාන්ත ජෝසප් විදුහල සමත්ව ඇති අතර, සාන්ත පීතර පිල තරග 22ක් ජය ගෙන තිබේ.

සාන්ත පීතර සංචිතය: ඉදිරි පෙළ (වමේ සිට) – හර්ෂ පෙරේරා (අභ්යාසක), තුෂාර මධුසංක (සහාය පුහුණුකරු), නලින් විජේසිංහ (ප්රධාන පුහුණුකරු), ප්රියදර්ශන කුරේ (ක්රිකට් භාර ආචාර්ය), ඔවින් සල්ගාදු (නායක), රෝහිත රොද්රිගෝ පියතුමා (විදුහල්පති), ප්රවීන් විජේසේකර පියතුමා (ක්රීඩා භාර ආචාර්ය), ලෂ්මික පෙරේරා (උප නායක), දිලන දම්සර, රොහාන් ප්රනාන්දු (දෙවැනි පෙළ ක්රිකට් භාර ආචාර්ය), දිනුක ගොඩකන්ද (දෙවැනි පෙළ පුහුණුකරු), මැද පෙළ – දින්සර රත්නවීර, දිනෙත් ද සිල්වා, තරීන් සන්විදු, නේදන් ඩේවිඩ්, හිරුක සිල්වා, තරීන් සංකේත්, විරුන් අමරපාල, යතීන්ද්ර ජයවීර, සලිත් ගාල්ලගේ, රෆායෙල් හෙට්ටිගේ, පසු පෙළ – ජේසන් ප්රනාන්දු, ජොශුවා සෙබස්තියන්, සවි ප්රනාන්දු, ඒතන් රන්සිලිගේ, අසදිස ද සිල්වා, සදීෂ කාරියවසම්, එනෝෂ් පීටර්සන්.