සබරගමුවේ ප්‍රධානම බාලක පාසල් දෙකක් වන රත්නපුර සාන්ත ඇලෝසියස් ජාතික පාසල සහ රත්නපුර නව නගර කුමර විදුහල අතර සිවුවැනි වංශාධිපතිවරුන්ගේ මහ ක්‍රිකට් ගැටුම අනිද්දා (4) සිට තෙදිනක් රත්නපුර මහජන ක්‍රීඩාංගණයේදී පැවැත්වේ.
මෙතෙක් කල් දෙදින තරගයක් ලෙස පැවති මේ තරගය මේ වසරේ සිට තුන්දින තරගයක් ලෙස පැවැත්වෙන අතර, සබරගමුවේ පාසල් දෙකක් අතර දින තුනේ ක්‍රිකට් තරගයක් ආරම්භවන පළමු තරගය ලෙසට ද මෙය ඉතිහාසයට එක් වේ.
මෙතෙක් පැවති තරග තුනම ජය පරාජයෙන් තොරව නිමාවූ අතර, මේ වසරේ සිට දින 3ක් හිමිවීම නිසා විසඳුමක් සහිතව මෙවර තරගය නිමාවනු ඇතැයි විදුහල්හි විදුහල්පතිවරුන් වන පියසිරි පතිරගේ සහ ඩී.එම්. මද්දුමබණ්ඩාර මහත්වරුන්ගේ විශ්වාසය වී තිබේ.
මෙවර තරගයේදී සාන්ත ඇලෝසියස් කණ්ඩායමේ නායකයා ලෙස සිතිජ ලක්ෂාන් සහ උප නායකයා ලෙස තිසර පබසර කටයුතු කරන අතර, නව නගර කුමර විදුහල් කණ්ඩායමේ නායක ලෙස මුදිත දම්සිත් ද උප නායකයා ලෙස නිම්න බාලසූරිය ද කටයුතු කරති.
සාන්ත ඇලෝසියස් කණ්ඩායම: ඉදිරි පෙළ (වමේ සිට) – ඔචින්ත ජයමින්, උපුල් කුමාර (ප්‍රධාන පුහුණුකරු), ධනුෂ්ක ලක්මාල් (ක්‍රිකට් භාර ආචාර්ය), තිසර පබසර (උප නායක), ඩී.එම්. මද්දුමබණ්ඩාර (විදුහල්පති), සිතිජ ලක්ෂාන් (නායක), ක්ෂානී සමරකෝන් (ක්‍රීඩා අංශ ප්‍රධානී), අශේන් අංජන (සහාය පුහුණුකරු), භානුක ජනිත්ප්‍රිය, චානුක ධනංජය, පසු පෙළ – චමෝද් සිත්මිණ, අශේන් උදයංග, චමත් ප්‍රියංකර, හිරිණ කේතක, දිසස් දිනුලක, සසිදු දිලක්ෂිත, අසිදු දෙවිමිණ, චවිෂ්ක ප්‍රමෝද, පසිදු තිවංක, ශශීන් ආකාශ්, චිනුජ තත්සර, තිහින හදගල.
