12
දඹගල්ල, තැරෑල සිරි විජයවර්ධන පිරිවෙනේ අධ්‍යාපනය ලබන ශිෂ්‍ය භික්ෂූන් වහන්සේලා සියක් නමක් ඇතුළු මහා සංඝරත්නය පෙරේදා (30) පිණ්ඩපාත චාරිකාවක නිරත වූහ. මොනරාගල දිස්ත්‍රික් ශාසනාරක්ෂක මණ්ඩලයේ ලේඛකාධිකාරී සහකාර අධ්‍යාපන අධ්‍යක්ෂ (පිරිවෙන්) ශාස්ත්‍රපති පණ්ඩිත කන්දඋඩපංගුවේ සුගතනන්ද නායක ස්වාමීන්වහන්සේගේ උපදෙස් හා අනුශාසනා පරිදි පැවැති මෙම පිණ්ඩපාත චාරිකාව දොඹගහවෙල තිස්පහහන්දිය අසලින් ආරම්භ වී නාගහමඩ විද්‍යාලයට වැඩමකොට ස්වාමීන්වහන්සේලා දානය වළඳන ලදි.
විශ්‍රාමික සමෘද්ධි සංවර්ධන නිලධාරී කේ.එම්. කරුණාරත්න මහතාගේ මෙහෙයවීමෙන් පැවති මෙම පිංකම මොනරාගල, දොඹගහවෙල, 35 හන්දිය, දෙමටබැද්ද, නාගහමඩ, පොල්ගහගම ආදී ප්‍රදේශවල ජනතාවගේ සහ තැරෑල සිරි පියරතන සහ පොල්ගහගම සුධර්මා යන දහම් පාසල්වල දූ දරුවන්ද සහභාගී වූහ.
