61
නල්ලතන්නිය – ශ්‍රීපාද මාර්ගය දෙපසට ශ්‍රීපාද වන්දනාකරුවන් විසින් බැහැර කර තිබූ දිරා නොයන ගන අපද්‍රව්‍ය එක් රැස් කිරීමේ ශ්‍රමදානයක් පෙරේදා (31) දවස පුරා පැවැත්විණි. 
නෝටන්බ්‍රිජ්, කිරිවන්එළියේ පිහිටි කන්ට්‍රි එනර්ජි (පෞද්ගලික) ජලවිදුලි බලාගාරයේ සේවක මණ්ඩලය විසින් වසරක් පාසා සිදු කරන මෙම සද්කාර්ය එම සමාගමේ සම ප්‍රධාන විධායක නිලධාරි රසල්ද සිල්වා මහතාගේ සංකල්පයක් අනුව එහි පරිපාලන කළමනාකරු වන එච්.එම්.එස්.කේ. සෙනවිරත්න මහතාගේ මූලිකත්වයෙන් මෙවරද පැවැත්විණි.
නල්ලතන්නියේ සිට ශ්‍රීපාද මළුව දක්වා මාර්ගය දෙපසට බැහැර කර තිබූ ප්ලාස්ටික් බෝතල් ඇතුළු දිරා නොයන ගන අපද්‍රව්‍ය තොගයක් මෙහිදී එක්රැස් කර මස්කෙළිය ප්‍රාදේශීය සභාවට අයත්, නල්ලතන්නියේ පිහිටි කසළ එක්රැස් කිරීමේ මධ්‍යස්ථානය වෙත භාර දීමට කටයුතු කර තිබුණි.
