15
උතුරු මැද පළාතේ දුෂ්කර ප්‍රදේශවල පෙර පාසල් දුවා දරුවන් සහ ගුරුවරුන් සඳහා නව අවුරුදු තෑගි රැගෙන බස්නාහිර හා මධ්‍යම පළාත් පෙර පාසල් ගුරුවරියෝ ඊයේ (31) අනුරාධපුරයට පැමිණියහ.
මෙහිදී පෙර පාසල් 100ක දුවා දරුවන් හා ගුරුවරියන් 1500ක් සඳහා මෙම තෑගි ලබාදෙනු ලැබූ අතර මෙම තෑගි ලබාදී ඇත්තේ බස්නාහිර හා මධ්‍යම පළාත්වල පෙර පාසල්වල දුවා දරුවන්ගේ මවුපියන් වීම විශේෂත්වයකි.
මුල් ළමාවිය රැකවරණය හා සංවර්ධනය පිළිබඳ දකුණු ආසියානු සංගමය වෙනුවෙන් එහි සභාපති ජනක කමල්ගොඩ මහතා හා උතුරු මැද පළාත් පූර්ව ළමාවිය අධ්‍යාපන සංවර්ධන අධිකාරියේ හිටපු කළමනාකාර අධ්‍යක්ෂ නිලන්ත ඒකනායක මහතාගේ මෙහෙයවීමෙන් බස්නාහිර, මධ්‍යම ගුරුතුමියන් ඇතුළු සමස්ත ගුරුතුමියන්ගේ දායකත්වයෙන් මෙය සිදුවිය. මේ සඳහා උතුරු මැද පළාත් පෙර පාසල් ගුරුතුමියන් විශාල පිරිසක් සහභාගි විය.
