33
මෙවර පළාත් පාලන මැතිවරණයේදී නුවරඑළිය දිස්ත්‍රික්කයේ පළාත් පාලන ආයතනවල බලය ලංකා කම්කරු කොංග්‍රසය විසින් ස්ථිර ලෙසම හිමිකර ගන්නා බව එම කොංග්‍රසයේ මහලේකම්, නුවරඑළිය දිස්ත්‍රික් පාර්ලිමේන්තු මන්ත්‍රී ජීවන් තොණ්ඩමන් මහතා පවසයි.
ඒ මහතා මේ බව පැවැසුවේ නුවරඑළිය දිස්ත්‍රික්කයේ පළාත් පාලන ආයතන සඳහා ලංකා කම්කරු කොංග්‍රසයේ මැතිවරණ ක්‍රියාවලිය පිළිබඳව අදහස් දක්වමිනි.
එහිදී වැඩිදුරටත් අදහස් දැක්වූ ඒ මහතා මෙසේ ද ප්‍ර‍කාශ කළේය.
“නුවරඑළිය දිස්ත්‍රික්කයේ පළාත් පාලන ආයතන සඳහා ලංකා කම්කරු කොංග්‍රසය කුකුළා ලකුණින් අපේක්ෂයන් ඉදිරිපත් කර තියෙනවා. මෙසේ ඉදිරිපත් කර තියෙන්නේ එම ප්‍රදේශවල ජනතාව අතර සිටින ප්‍රබල අපේක්ෂ‍ෙයන්. එම අපේක්ෂකයන් ඒ ඒ කොට්ඨාසවලින් ස්ථිර ලෙසම ජයගන්නවා. නුවරඑළිය දිස්ත්‍රික්කයේ බලය ලංකා කම්කරු කොංග්‍රසය ස්ථිර ලෙසම හිමිකර ගන්නවා.”
