11
කොළඹ නගරයට හිරු මුදුන් වීම හේතුවෙන් 07 වැනිදා දහවල් 12.12ට විනාඩියක පමණ සුළු කාලයකට කොළඹ නගරය අවට ජනතාවගේ සෙවණැල්ල අතුරුදන් වන බව තාරකා විද්‍යාඥ අනුර සී. පෙරේරා මහතා පැවසීය.
පැහැදිලි අහසක් පවතී නම් මෙය පරීක්ෂා කිරීමට එම වේලාවට එළිමහනේ බෝතලයක් තැබීමෙන් හැකි බව ද පැවසූ අනුර සී. පෙරේරා මහතා මෙම 05 වැනි දින සිට 15 වැනිදා දක්වා දිවයිනේ විවිධ ප්‍රදේශවලට හිරු මුදුන් වන බව ද පැවසීය.
දෙවුන්දරතුඩුවේ සිට පේදුරුතුඩුව දක්වා හිරු මුදුන් වේ. හිරු මුදුන් වූ කාලසීමාවේ ඒ ඒ ප්‍රදේශවල ජනතාවගේ සෙවණැල්ල අතුරුදන් වන බව ද ඔහු සඳහන් කළේය.
