Home » අස්වැසුම පවුල් ලක්ෂ 8කට සහන මල්ල දීම ඇරඹේ

අස්වැසුම පවුල් ලක්ෂ 8කට සහන මල්ල දීම ඇරඹේ

by mahesh
April 2, 2025 4:00 pm 0 comment

අස්වැසුම පොරොත්තු ලේඛනයේ සිටින පවුල් ලක්ෂ 08කට වැඩි පිරිසක් සඳහා එළඹෙන අලුත් අවුරුද්ද වෙනුවෙන් රජය මඟින් දෙනු ලබන සහන මල්ල බෙදා දීමේ වැඩසටහන ඊයේ (01) සිට ඇරඹිණි.

රුපියල් 5,000ක වටිනාකමකින් යුත් අත්‍යවශ්‍ය ආහාර ද්‍රව්‍ය ඇතුළත් පැකේජයක් ඒ අනුව සියයට 50ක වට්ටමක් සහිතව රුපියල් 2,500ක මුදලකට ලබන (13) වැනිදා දක්වා ලංකා සතොස හරහා ගැනීමට අස්වැසුම පොරොත්තු ලේඛනයේ සිටින පවුල් 812,573කට අවස්ථාව හිමිව තිබේ.

ලංකා සතොස මඟින් ආවරණය නොවන ප්‍රදේශයන්හි සුදුසුකම්ලාභීන් සඳහා තෝරාගත් සමුපකාර අලෙවිසල් (COOPFED) මඟින් මෙම පැකේජය නිකුත් කරනු ලබයි. මුදල් අමාත්‍යාංශය, ආහාර ප්‍රතිපත්ති හා සුරක්ෂිතතා කමිටුව සහ සමුපකාර අලෙවිසල් ජාලය හා එක්ව “සතුටින් සතොසින්” තේමාව යටතේ මෙම වැඩසටහන ක්‍රියාවට නංවා තිබේ.

මෙම ප්‍රතිලාභය නිසි ලෙසම සුදුස්සන් වෙතම හිමි වන්නේ ද යන්න සොයා බැලීමට විධිමත් යන්ත්‍රණයක් ද ක්‍රියාත්මක වේ.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT