Home » හයිලන්ඩ් යෝගට් දියර කිරි මිල අඩු කරයි

හයිලන්ඩ් යෝගට් දියර කිරි මිල අඩු කරයි

by mahesh
April 2, 2025 8:27 am 0 comment

බුද්ධිකා ඉඹුලාන

වහාම ක්‍රියාත්මක වන පරිදි හයිලන්ඩ් යෝගට් සහ දියර කිරිවල මිල අඩු කිරීමට මිල්කෝ සමාගම ඊයේ (01) තීරණය කරනු ලැබීය. ඒ අනුව මෙතෙක් රුපියල් 80කට අලෙවි කළ හයිලන්ඩ් යෝගට් එකක මිල රුපියල් 70 දක්වා රුපියල් 10කින් අඩු කර තිබේ.

රුපියල් 225කට අලෙවි කළ මිලිලීටර 450ක ප්‍රමාණයේ, කල් තබාගත හැකි දියර කිරි පැකට්ටුවක මිල රුපියල් 200 දක්වා ද රුපියල් 200කට අලෙවි කළ මිලිලීටර 450ක ප්‍රමාණයේ දියර කිරි පැකට්ටුවක මිල රුපියල් 170 දක්වා ද රුපියල් 440කට අලෙවි කළ මිලිලීටර 900 ප්‍රමාණයේ දියර කිරි පැකට්ටුවක මිල රුපියල් 380ක් දක්වා ද අඩු කර ඇතැයි මිල්කෝ සමාගමේ සභාපති හේමජීව ගෝඨාභය මහතා ‘දිනමිණට’ කීය.

මෙම නව මිල ගණන් යටතේ නිෂ්පාදන ඊයේ (01) සිට වෙළෙඳපොළට බෙදා හැරීමට නියමිතව තිබූ අතර ඉදිරි දින කිහිපය තුළ නව මිල ගණන් යටතේ මේ නිෂ්පාදන පාරිභෝගිකයාට මිල දී ගත හැකි වනු ඇතැයි ද ගෝඨාභය මහතා වැඩිදුරටත් පැවසීය.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT