77
කන්දකුලිය වනජීවී නිලධාරීන් අභිජනන මධ්‍යස්ථානවල සුරක්ෂිතව රඳවනු ලැබූ කැස්බෑ බිත්තරවලින් බිහිවූ කැස්බෑ පැටවුන් 400ක් කන්දකුලිය කුඩාව වෙරළ තීරයෙන් සයුරට ඊයේ (01) මුදාහැරියේය.
කන්දකුලිය අඩවි වනජීවී කාර්යාලයේ නිලධාරීන්ගේ අධීක්ෂණය මැද දින 45ත් 50ත් අතර කාලයක් ආරක්‍ෂිතව වෙරළ තීරයේ තිබූ බිත්තරවලින් බිහිවූ බටු කැස්බෑ වර්ගයට අයත් කුඩා පැටව් මෙසේ මුදාහැරිණි.
මෙම අවස්ථාව දැක බලා ගැනීමට දේශීය හා විදේශීය සංචාරකයින් විශාල පිරිසක් එක්ව සිටියහ.
කන්දකුලිය අඩවිය වනජීවී කාර්යාලයේ අඩවි ආරක්‍ෂක උපාලි කුමාරතුංග මහතා පැවසුවේ කැස්බෑ මවු සතුන් වයඹ මුහුදු තීරයේ බිජුලන බවය.
