Home » උත්සව සමය හේතුවෙන් විශේෂ ආරක්ෂක වැඩපිළිවෙලක්

උත්සව සමය හේතුවෙන් විශේෂ ආරක්ෂක වැඩපිළිවෙලක්

by chanaka
April 2, 2025 12:37 pm 0 comment

උත්සව සමය හේතුවෙන් ප්‍රධාන නගර ආශ්‍රිතව විශේෂ ආරක්ෂක වැඩපිළිවෙලක් ක්‍රියාත්මක බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ බුද්ධික මනතුංග මහතා පවසයි.

මේ වන විටත් අලුත් අවුරුද්ද සැමරීම සඳහා අවශ්‍ය ඇදුම් පැලඳුම්, ගෘහභාණ්ඩ ඇතුළු අත්‍යවශ්‍ය දෑ මිල දී ගැනීම සඳහා විශාල පිරිසක් නගර වෙත පැමිණෙමින් සිටින නිසා ඔවුන්ගේ ආරක්ෂාව වෙනුවෙන් මෙම ආරක්ෂක වැඩපිළිවෙල ක්‍රියාත්මක කර තිබේ.

ගැටකපන්නන් වෙළෙඳසල් සහ නගර ආශ්‍රිතව සැරිසරන බවට තොරතුරු ලැබී ඇති බවත් ඒ හේතුවෙන් මුදල් පසුම්බි, රත්‍රං බඩු පිළිබඳ වැඩි වශයෙන් සැලකිලිමත් වීම ඉතා වැදගත් බවත් පොලිස් මාධ්‍ය ප්‍රකාශක සදහන් කරයි.

සිවිල් ඇඳුමින් සැරසුණු පොලිස් නිලධාරීන් ද ජනතාවගෙ ආරක්ෂාව සඳහා අනුයුක්ත කර ඇත.

මේ අතර, උත්සව සමයේ සිදුවිය හැකි රථවාහන අනතුරු වළක්වා ගැනීම සඳහා විශේෂ රථවාහන සැලැස්මක් ඉදිරියේදී ක්‍රියාත්මක කිරීමට සැලසුම් කර ඇති බව මාධ්‍ය ප්‍රකාශකවරයා වැඩිදුරටත් පැවසීය.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT