Home » අන්තරේ කැඳවුම්කරුගේ ඇප ඉල්ලීම ප්‍රතික්ෂේපයි

අන්තරේ කැඳවුම්කරුගේ ඇප ඉල්ලීම ප්‍රතික්ෂේපයි

by mahesh
April 2, 2025 4:00 pm 0 comment

දෙව්නි මහගමගේ

‎අධිකරණ නියෝග කඩකරමින් සම සෞඛ්‍ය විද්‍යා උපාධිධාරී එකමුතුව මඟින් මරදාන සෞඛ්‍ය අමාත්‍යාංශය ඉදිරිපිට පැවැත්වූ උද්ඝෝෂණය අතරතුරදී අත්අඩංගුවට ගත් එම එකමුතුවේ ලේකම් එන්.ඩී. හේවපතිරණ හා අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු මධුෂාන් චන්ද්‍රජිත් යන අය විසින් ඉදිරිපත් කරන ලද ඇප ඉල්ලීම මාලිගාකන්ද වැඩබලන මහේස්ත්‍රාත් ලොයිඩ් ග්‍රේ මහතා විසින් ඊයේ (01) ප්‍රතික්ෂේප කරනු ලැබුවේය.‎

‎ඉකුත් 27 වැනි දින මරදාන සෞඛ්‍ය අමාත්‍යාංශය ඉදිරිපිට පැවැත්වීමට සූදානම් කර තිබූ සම සෞඛ්‍ය විද්‍යා උපාධිධාරී එකමුතුවේ උද්ඝෝෂණය මරදාන පොලීසිය කළ ඉල්ලීම පරිදි අධිකරණය මඟින් එදින පස්වරු 2.30 සිට පසුදා පස්වරු 6 දක්වා අත්හිටුවන ලෙසට නියෝග කර තිබිණි.‎

‎එම අධිකරණ නියෝගය උල්ලංඝනය කරමින් උද්ඝෝෂණයේ නියැළෙමින් සිටියදී සම සෞඛ්‍ය විද්‍යා උපාධිධාරී එකමුතුවේ ලේකම් එන්.ඩී. හේවපතිරණ හා අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු මධුෂාන් චන්ද්‍රජිත් යන අය මරදාන පොලීසිය මඟින් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව ලබන 4 වැනිදා තෙක් රක්ෂිත බන්ධනාගාරගත කෙරිණි.‎

‎ඊයේ (01) සැකකරුවන් වෙනුවෙන් පෙනී සිටි නීතිඥවරයා අධිකරණය වෙත මෝසමක් ඉදිරිපත් කරමින් මෙම සැකකරුවන් වෙත ඇප දෙන ලෙස ඉල්ලීමක් කළ අතර ඇප ඉල්ලීම ප්‍රතික්ෂේප කොට නඩුව අද දින දක්වා කල් දැමීමට අධිකරණය නියෝග කළේය.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT