Home » අමෙරිකා යන සිරිලක සිරි අසිරි

අමෙරිකා යන සිරිලක සිරි අසිරි

by mahesh
April 2, 2025 4:00 pm 0 comment

අමෙරිකා ශ්‍රී ලංකා ඡායාරූප කලා සංගමයේ (America Sri Lanka Photographic Art Society – ASPAS) පස්වන වාර්ෂික ඡායාරූප ප්‍රදර්ශනය 2025 එක්සත් ජනපදයේ ශ්‍රී ලංකා තානාපති කාර්යාලය, ශ්‍රී ලංකා සංචාරක ප්‍රවර්ධන කාර්යාංශය සහ ලොස් ඇන්ජලීස්හි කොන්සල් ජනරාල් කාර්යාලය යන ආයතනවල සහයෝගය ඇතිව පැවැත්වීමට නියමිතය.

ප්‍රදර්ශනය සඳහා ඉදිරිපත් කෙරෙන සෑම ඡායාරූපයකින්ම ශ්‍රී ලංකාවට උරුම වූ ආකර්ෂණීය භූ දර්ශනය සහ ඊට ආවේණික විචිත්‍ර සංස්කෘතිය විදහා දැක්වෙන අතර එමඟින් එය නරඹන ප්‍රේක්ෂකයින්ට ශ්‍රී ලංකාවේ පවතින විවිධත්වය සහ ජීව ගුණය පිළිබඳ නවමු අත්දැකීමක් ලබාදීම මෙම ප්‍රදර්ශනයේ අරමුණ වේ.

ඒ අනුව, “ශ්‍රී ලංකාවේ සුන්දරත්වය” ලෙස නම් කර ඇති මෙම ඡායාරූප ප්‍රදර්ශනය 2025 අප්‍රේල් සහ මැයි මාසවලදී ලොස් ඇන්ජලීස්, නිව්යෝර්ක් සහ වොෂින්ටන් ඩීසී යන නගරවල පහත දැක්වෙන දිනවලදී පැවැත්වෙන බව අපි ආඩම්බරයෙන් නිවේදනය කරමු.

• 2025 අප්‍රේල් 26 වන දින: සෙලිබ්‍රිටි සෙන්ටර් ඉන්ටර්නැෂනල් හොලිවුඩ්, ලොස් ඇන්ජලීස්.

• 2025 අප්‍රේල් 29 වන දින: නිව්යෝර්ක් නගරයේ පිහිටි එක්සත් ජාතීන්ගේ සංවිධානය සඳහා වන ශ්‍රී ලංකාවේ නිත්‍ය දූත මණ්ඩල කාර්යාලය.

• 2025 මැයි 3 වන දින: වොෂින්ටන් ඩීසී හි පිහිටි ශ්‍රී ලංකා තානාපති කාර්යාලය සහ පාස්පෝර්ට් ඩීසී.

ශ්‍රී ලංකාව පිළිබඳ කෙටි හැඳින්වීමක්

දිගින් සැතපුම් 270ක් (කි.මී. 432) සහ පළලින් සැතපුම් 140ක් (කි.මී. 224) වන කඳුළු බිඳුවක හැඩයෙන් යුත් කුඩා දූපතක් වන ශ්‍රී ලංකාව ඉන්දියාවේ ගිනිකොනදිග වෙරළට ඔබ්බෙන් ඉන්දියන් සාගරයේ පිහිටා ඇත. පුරාණ ග්‍රීකයන් විසින් එය තැප්‍රොබේන් ලෙසත් පැරණි අරාබි වෙ‍ෙළඳුන් විසින් සෙරන්ඩිබ් ලෙසත් හැඳින්විණි. මෙම කුඩා දූපතේ දක්නට ඇති වඩාත්ම සිත් ඇදගන්නාසුලු අංගය වන්නේ වර්ග සැතපුම් 25,000ක (වර්ග කිලෝමීටර 65,000) භූමි ප්‍රමාණය තුළ කැටිව ඇති විවිධත්වයයි. එහි වනාන්තරවලින් වැසුණු බිම් ප්‍රමාණය 29%ක් පමණ වේ. සමහර විට එවැනි සංස්කෘතික, දේශගුණික සහ පාරිසරික විවිධත්වයකින් හෙබි සහ ක්‍රි.පූ. වසර 3000කට වැඩි අතීතයක් දක්වා දිවෙන දිගු හා හොඳින් සංරක්ෂණය කරන ලද ඉතිහාසයක් ඇති වෙනත් කිසිදු කුඩා රටක් නොතිබිය හැකිය.

සංචාරකයින්ට නිතැතින්ම සතුට සහ ප්‍රබෝධය ලබා දෙන ලෝකයේ හොඳම භූ ලක්ෂණ දාමයක් සහ විශ්මයජනක දර්ශන රැසක් ශ්‍රී ලංකාවේ දක්නට ලැබේ. එබැවින් ශ්‍රී ලංකාව බුද්ධිමත් සංචාරකයින් අතර ජනප්‍රිය සංචාරක ගමනාන්තයක් වීම පුදුමයක් නොවේ. මෙම අපූරු දිවයිනේ වෙසෙන විශාලතම ක්ෂීරපායි සත්වයා වන අලියාගේ සිට කුඩාම ජීවීන් දක්වා බොහෝ දේ දැක ගැනීමට හැකි අතර, කෙනෙකුට තමන් නැරඹීමට කැමති ඕනෑම ස්ථානයකට හෝ ඕනෑම ගමනාන්තයකට පැය 6ක් වැනි කෙටි කාලයක් තුළ ගොඩබිම් මාර්ගයකින් පහසුවෙන් ළඟා විය හැකිය. මේ කරුණු අන්තර්ජාතික ප්‍රජාව ඉදිරියේද ප්‍රදර්ශනය කිරීම මෙම ප්‍රදර්ශනයේ අරමුණයි.

මලින්ද ප්‍රේමරත්න

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT