ඉස්ලාම් බැතිමතුන් මහත් හරසරින් සමරන රාමසාන් උත්සවය ඊයේ දිනට (31) යෙදී තිබිණි.
මාසයක් පුරා පැවති රාමසාන් උපවාසය අවසන් කර නව සඳ දැකීමත් සමඟ ඉස්ලාම් බැතිමතුන් විසින් ඊදුල් ෆීතර් උත්සවය හෙවත් රාමසාන් දිනය සමරනු ලබයි. නව සඳ දිස්වීම හේතුවෙන් ඊයේ දිනයේ රාමසාන් උත්සවය සමරන බව බේරුවල ඉස්ලාම් දේවස්ථාන මහා පල්ලිය ඊයේ (30) රාත්රියේ නිවේදනය කළ අතර, බේරුවල, චීනකොටුව, අල්පාසියා දේවස්ථානයේ රාමසාන් ආගමික වතාවත් රිල්වාන් නලිමියා මව්ලවිතුමන් විසින් සිදු කරනු ලැබිණි. ඉස්ලාම් බැතිමතුන් ආගමික වතාවත්වලින් අනතුරුව දේවස්ථාන භූමියේ තිබෙන සුසානභූමිය අසන්නයේ මියගිය තම ඥාතීන් සිහිකිරීම ද මෙහිදී දැකගත හැකි විය.
අලුත්ගම සමූහ තුසිත කුමාර ද සිල්වා