කොළඹ අපරාධ කොට්ඨාසයේ නිලධාරීන් කණ්ඩායමක් වැලිගමට ගොස් W15 හෝටලය ඉදිරිපිටදී සිදු කළ වෙඩි තැබීම සම්බන්ධයෙන් සිදු කෙරෙන විමර්ශනයට අදාළව ප්‍රකාශයක් ගැනීම සඳහා හිටපු මහජන ආරක්ෂක ඇමැති ටිරාන් අලස් මහතාට අද (31) උදෑසන අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම්දී තිබේ.
අපරාධ පරීක්ෂණ දෙපාර්තමේන්තුවේ මනුෂ්‍ය ඝාතන හා සංවිධානාත්මක අපරාධ විමර්ශන අංශය විසින් මෙම කැඳවීම කර ඇත්තේ එම වෙඩි තැබීම සම්බන්ධයෙන් මෙතෙක් කර ඇති විමර්ශනවලින් හෙළිවූ තොරතුරු තවදුරටත් සනාථ කර ගැනීමට බව පොලිස් තොරතුරු සඳහන් කළේය.
මෙම වෙඩි තැබීම සිදුවන්නේ 2023 වසරේ දෙසැම්බර් 31 වැනිදා රාත්‍රී කාලයේදීය.
හිටපු ඇමැති ටිරාන් අලස් මහතා විසින් මෙම වෙඩිතැබීම සම්බන්ධයෙන් මාධ්‍ය හමුවක දී කළ ප්‍රකාශය හා එහිදී W15 හෝටලය සම්බන්ධයෙන් කළ ප්‍රකාශ සම්බන්ධයෙන් ද තොරතුරුවල ඇත්ත නැත්ත ගැන විමසීමට ද අපරාධ පරීක්ෂණ දෙපාර්තමේන්තුව සූදානමින් සිටින බව ද පොලිස් ආරංචිමාර්ග සඳහන් කළේය.
ගයාන් කුමාර වීරසිංහ
