Home » කොළඹ තරු පහේ හෝටලයෙන් වැටී මිය ගිය තරුණයා ගැන අනාවරණයක්

කොළඹ තරු පහේ හෝටලයෙන් වැටී මිය ගිය තරුණයා ගැන අනාවරණයක්

by yasara
March 31, 2025 4:40 pm 0 comment

කොළඹ කොටුවේ ගොල්ඩ් ෆේස්හි පිහිටි තරු පංතියේ හෝටලයක 31 වෙනි මහලේ කාමරයක සිට බිමට වැටී මිය ගිය තරුණයා ගැන මේ වන විට තොරතුරු රැසක් අනාවරණය වී ඇත.

මෙම මරණය සියදිවි නසා ගැනීමක් බව මේ වන විට තොරතුරු හෙළි වී තිබෙයි.

මහනුවර කුණ්ඩසාලේ පදිංචිකරුවෙක් වන 29 හැවිරිදි වියේ පසුවන තරුණයෙක් මෙසේ සියදිවි හානිකරගෙන ඇතැයි පොලිසිය සඳහන් කරයි.

“සමාවෙන්න අම්මේ , මට ගොඩක් මහන්සියි, හැමදාම මම හිතින් විදවනවා“ යනුවෙන් ලියූ ලියුමක්ද මෙම තරුණයාගේ මුදල් පසුම්බියේ තිබී පොලිසිය සොයාගෙන ඇත.

මෙම තරුණයා ඊයේ (30) රාත්‍රී කාලයේ හෝටලයට පැමිණ එහි 31 වෙනි මහලේ කාමරයක් වෙන්කරවාගෙන ඇත.

එම හෝටලයේ හතරවෙනි මහලේ උද්‍යාන භූමියේ භූමිය අසල නාඳුනන පුද්ගලයකු මිය ගොස් ඇති බවට පිළියන්දල මඩපාත පොල්හේන ප්‍රදේශයේ පදිංචි ආයතනයේ සේවකයකු කරන ලද පැමිණිල්ලකට අනුව  මළ සිරුර සොයා ගත් බව පොලීසිය සඳහන් කරයි.

මියගිය තරුණයාගේ යූ ටියුබ් නාලිකාවට පරිශීලකයන් ලක්ෂයක ඉක්මවා ඇතැයි ද මේ වන විට තොරුතුරු අනාවරණය වී ඇත.

කොටුව පොලිසිය සිද්ධිය සම්බන්ධයෙන් වැඩිදුර විමර්ශන සිදු කරයි .

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT