මංගල සාදයකට ගිය තරුණයාගේ මළසිරුර ඇළ ඉවුරේ වගුරුබිමක

කරන්දෙණිය, බටපොළ, ගල්හිරේ ප්‍රදේශයේ බොරලු ඇළේ, අඹ ගහ තොටුපොළට ආසන්න ඇළ ඉවුරේ වගුරුබිමක තිබී අබිරහස් ලෙස මියගිය තරුණයකුගේ මළසිරුරක් සොයා ගත් බව බටපොළ පොලිසීය කියයි. මෙසේ මියගොස් ඇත්තේ කරන්දෙණිය මණ්ඩකන්ද ප්‍රදේශයේ පදිංචි ඉලංදාරි දේව තරිදු ධනුෂ්ක ගුණවර්ධන නමැති 24 හැවිරිදි තරුණයෙකි.මොහු ඉකුත්දා(16) බටපොළ, කොණ්ඩගල ප්‍රදේශයේ පැවති විවාහ මංගල්‍ය උත්සවයකට සහභාගිවීමට ගෙදරින් පිටත් වී ගොස් ඇති අතර ආපසු නොපැමිණි බව සඳහන් කරමින් මියගිය අයගේ මව ඇල්පිටිය පොලීසියේ පැමිණිල්ලක් ‌ද කර තිබී ඇතැයි වාර්තා වෙයි. බටපොළ පොලීසිය සිද්ධිය සම්බන්ධයෙන් පරීක්ෂණ පවත්වයි.

කරන්දෙණිය සමූහ අනුරාධ ප්‍රියදර්ශන