බහරේන් රාජ්‍යයට පැමිණෙන විදේශිය ශ්‍රමිකයන්ට මෙනින්ගොකොකල් රෝගය ඇතිවිම වලක්වීම සඳහා භාවිතා කරන Meningococcal vaccine එන්නත්කරණය අනිවාර්යය කර ඇති බව එරට සෞඛ්‍ය අමාත්‍යාංශය විසින් නිවේදනය කරයි.
මෙය ශ්‍රී ලාංකික ශ්‍රමිකයන්ට ද ඒ අනුව අනිවාර්යවේ. විදේශ කටයුතු අමාත්‍යාංශය, බහරේන් ශ්‍රී ලංකා තානාපති කාර්යාලය එක්ව බහරේන් රාජ්‍ය හා ගල්ෆ් සහයෝගිතා කවුන්සලයේ (GCC) උපදෙස් මත ශ්‍රී ලාංකිකයින්ගේ එන්නත්කරණ වැඩසටහන ක්‍රියාත්මක කිරීමට නියමිතව ඇතැයි ශ්‍රී ලංකා විදේශ සේවා නියුක්ති කාර්යාංශය සදහන් කර යි.
මෙනින්ගොකොකල් රෝගය යනු නයිසීරියා මෙනින්ජිටිඩිස් (Neisseria meningitidis (also termed meningococcus) බැක්ටීරියාව මගින් ඇතිවන ආසාදන රෝගයකි.ප්‍රතිකාර නොකළහොත් එයට ඉහළ මරණ අනුපාතයක් ඇති නමුත් එන්නත මගින් වළක්වා ගත හැකිය.මෙනින්ජයිටිස් බෝවන රෝගයක් වන අතර සංවර්ධිත සහ ඌන සංවර්ධිත රටවල රෝග, මරණ සහ ආබාධිතභාවය සඳහා මෙනින්ජයිටිස් සහ මෙනින්ගොකොක්සිමියාව ප්‍රධාන හේතු වේ.
විශේෂයෙන් සංක්‍රමණක සේවකයින් විශාල සංඛ්‍යාවක් සිටින කලාපවල, රෝගය පැතිරීම අවම කිරීම සඳහා ඔවුන්ගේ ප්‍රතිශක්තිකරණ උපාය මාර්ගයේ වැදගත් කොටසක් ලෙස මෙනින්ගොකොකල් එන්නත භාවිතා කිරීම හා ගල්ෆ් සහයෝගිතා කවුන්සල මාර්ගෝපදේශ නිර්දේශ කරයි. එහි ප්‍රතිඵලයක් ලෙස, නව එන්නත් කිරීමේ අවශ්‍යතාවය සේවකයින්ගේ සෞඛ්‍යය ආරක්ෂා කිරීම සහ විභව වසංගත වැළැක්වීමයන් සමස්ත මහජන සෞඛ්‍ය ඉලක්කයට අනුකූලවේ.
දශක ගණනාවක් පුරාවටම ශ්‍රී ලාංකීක ශ්‍රමිකයින්ගේ ජනප්‍රිය රැකියා ගමනාන්තයක් ලෙස බහරේන් රාජ්‍ය හැදින්විය හැකිය එය වර්තමානය වන විට එය තවදුරටත් වර්ධනය වෙමින් පවතියි.2024 වසරේ බහරේන් රාජ්‍යෙය් රැකියා සඳහා ශ්‍රී ලාංකික ශ්‍රමිකයන් 4000 කට වැඩිපිරිසක් පිටත්ව ගොස් ඇත.
